વધેલા ભાતમાંથી આ રીતે બનાવો ‘રસિયા મુઠિયા’, માત્ર 10 જ મિનિટમાં બની જશે

તમે પણ વધેલા ભાત ફેંકી દો છો? જો હા તો તમારે હવે અમારી આ રેસિપીથી ફેંકવા નહિં પડે. વધેલા ભાતમાંથી મસ્ત રસિયા મુઠિયા તમે બનાવી શકો છો. આ રસિયા મુઠિયા તમે ડિનરમાં ખાઓ છો તો મજ્જા પડી જાય છે. તો જાણી લો કેવી રીતે ઘરે બનાવશો રસિયા મુઠિયા.

સામગ્રી

1 બાઉલ રાંધેલો ભાત (બપોરના વધેલા ભાત પણ તમે લઇ શકો છો.)

1 નાનો બાઉલ ઘઉંનો લોટ

1 નાનો બાઉલ ચણાનો લોટ

દહીં

મીઠા લીમડાના પાન

1 ગ્લાસ પાણી

1 ગ્લાસ ખાટી છાશ

આખા લાલ મરચાં

લાલ મરચું

હળદર

ધાણાજીરું

ગરમ મસાલો

તેલ

જીરું

હિંગ

સ્વાદાનુંસાર મીઠું

બનાવવાની રીત

• વધેલા ભાતમાંથી રસિયા મુઠિયા બનાવવા માટે સૌ પ્રથમ એક મોટા બાઉલમાં ભાત લો અને એમાં મીઠું સહિત ઉપર જણાવ્યા મુજબ બધા મસાલા એડ કરો.
• હવે એક પેનમાં તેલ ગરમ કરવા મુકો.
• તેલ ગરમ થાય એટલે એમાં જીરું નાંખો અને લાલ સુકા મરચાં, હિંગ નાંખીને છાશ વધારી લો.
• હવે આ છાશને સતત હલાવતા રહો.
• છાશ હલાવતા સમયે ગેસ ધીમો કરવો ખૂબ જ જરૂરી છે.
• ત્યારબાદ વધેલા ભાતમાં બધા લોટ નાંખીને મસાલો કરો અને પછી લોટ બાંધી લો.
• હવે ગોળાકારમાં વાળી લો અને છાશ ઉકળે એટલે એમાં નાંખી દો.
• આ બધી પ્રોસેસ થઇ જાય એટલે ઉપરથી થોડો મસાલો કરો અને મીઠા લીમડાના પાન નાંખો. જેથી કરીને સ્મેલ સારી આવે.
• હવે 5 મિનિટ માટે ઢાંકી દો.
• જેથી કરીને બધા મુઠિયા બરાબર ચઢી જાય અને થોડો રસો પણ ઘટ્ટ થાય.
• તો તૈયાર છે રસિયા મુઠિયા.
• આ રસિયા મુઠિયા પર તમે કોથમીર નાંખીને ગાર્નિશ કરો.