ભારે ગરમીની સ્થિતિને કારણે લગભગ ૧,૩૫૦ ફ્રેન્ચ શાળાઓ આંશિક અથવા સંપૂર્ણપણે બંધ

આ ઉનાળામાં યુરોપના ઘણા ભાગો પ્રથમ મોટી ગરમીની લપેટમાં છે, જેમાં ઘણા દેશોમાં આરોગ્ય ચેતવણીઓ લાગુ કરવામાં આવી છે. ફ્રાન્સ, પોર્ટુગલ, સ્પેન અને તુર્કીને ગરમીના ગુંબજે ઢાંકી દીધા હતા, યુરોપિયન આગાહીકારો સૂચવે છે કે આગામી દિવસોમાં અન્ય દેશોમાં પણ વધુ તીવ્ર ગરમીનો અનુભવ થવાની સંભાવના છે.
સ્પેન, પોર્ટુગલ, ઇટાલી, જર્મની અને યુકેના કેટલાક ભાગોમાં ગરમીની ચેતવણી જારી કરવામાં આવી હતી, જેમાં બુધવારે નવા ઊંચા તાપમાનની અપેક્ષા રાખવામાં આવી હતી, ત્યારબાદ આ અઠવાડિયાના અંતમાં કેટલાક વિસ્તારોમાં વરસાદથી રાહત મળવાની આગાહી કરવામાં આવી હતી.
સ્પેનની રાષ્ટ્રીય હવામાન સેવાએ મંગળવારે જણાવ્યું હતું કે, એક સદી પહેલા રેકોર્ડ શરૂ થયા પછી બાર્સેલોનામાં જૂનનો સૌથી ગરમ મહિનો નોંધાયો છે.
બાર્સેલોનાની સામે એક ટેકરી પર સ્થિત ફેબ્રા ઓબ્ઝર્વેટરીએ સરેરાશ તાપમાન ૨૬ ડિગ્રી સેલ્સિયસ નોંધાવ્યું હતું, જે ૧૯૧૪ પછીના રેકોર્ડ તોડી નાખે છે. જૂન માટે અગાઉનું સૌથી ગરમ સરેરાશ ૨૦૦૩ માં ૨૫.૬ ડિગ્રી સેલ્સિયસ હતું.
ફ્રાન્સની રાષ્ટ્રીય હવામાન એજન્સી, મેટિયો-ફ્રાન્સે ઘણા વિભાગોને સૌથી વધુ રેડ એલર્ટ હેઠળ રાખ્યા છે, જેમાં પેરિસ પ્રદેશ ખાસ કરીને સૌથી વધુ પ્રભાવિત થયો છે.
મંગળવારે પેરિસમાં તાપમાન ૪૧ સેલ્સિયસ સુધી વધી જવાને કારણે, આગામી બે દિવસમાં એફિલ ટાવરની ટોચ મુલાકાતીઓ માટે બંધ રહેશે.
બ્લુમબર્ગના જણાવ્યા અનુસાર, ભારે ગરમીની સ્થિતિને કારણે લગભગ ૧,૩૫૦ ફ્રેન્ચ શાળાઓ આંશિક અથવા સંપૂર્ણપણે બંધ છે, જ્યારે ૫,૦૦૦ થી વધુ ઘરોમાં વીજળી ગુલ થઈ ગઈ છે.
ઇટાલીના આરોગ્ય મંત્રાલયે જણાવ્યું હતું કે તેના ૨૭ મુખ્ય શહેરોમાંથી ૧૭ શહેરોમાં ગરમીનું મોજું ચાલી રહ્યું છે.
મંગળવારે ગરમીની ચેતવણી હેઠળના શહેરોમાંના એક બોલોગ્નામાં, એક બાંધકામ કંપનીના ૪૬ વર્ષીય માલિક શાળાના પાર્કિંગનું સમારકામ કરતી વખતે પડી ગયા અને મૃત્યુ પામ્યા, એમ મીડિયા એ રાજ્ય સંચાલિત ઇછૈં ને ટાંકીને જણાવ્યું હતું.
બ્લૂમબર્ગ અનુસાર, ઇબેરિયન દ્વીપકલ્પમાં તાપમાન વધુ વધી શકે છે, સ્પેનના કેટલાક ભાગોમાં ૪૩ઝ્ર ની આગાહી છે. પોર્ટુગલના બેજામાં પણ આવી જ ઊંચાઈ પહોંચી શકે છે, જ્યાં રવિવારે ઇવોરામાં ૪૬.૬ઝ્ર નો જૂન રેકોર્ડ નોંધવામાં આવ્યો હતો. બુધવારથી ઠંડી શરૂ થાય તે પહેલાં લંડન ૩૪ઝ્ર સુધી પહોંચી શકે છે.