મેદસ્વિતા અને દૈનિક જીવનશૈલી: દિવસના 24 કલાકનું મહત્વ

આજના ઝડપી અને ટેકનોલોજીપ્રધાન સમયમાં મેદસ્વિતા માત્ર વધુ ખાવાના કારણે નથી થતી,
પરંતુ આખા 24 કલાકની જીવનશૈલી સાથે સીધો સંબંધ ધરાવે છે. આપણે દિવસની શરૂઆતથી લઈને રાત્રે
ઊંઘ સુધી જે નાની-નાની આદતો અપનાવીએ છીએ, તે ધીમે ધીમે વજન વધારવાનું કારણ બની જાય છે.
ઘણા લોકો સવારમાં મોડું ઊઠે છે, કસરત કર્યા વિના સીધા કામે લાગી જાય છે અથવા નાસ્તો છોડે
છે. નાસ્તો ન કરવાથી મેટાબોલિઝમ ધીમો પડે છે અને બપોરે વધુ ખાવાની શક્યતા વધી જાય છે. સવારે
હળવો વ્યાયામ, યોગ અથવા 20–30 મિનિટ ચાલવું અને પૌષ્ટિક નાસ્તો કરવો અત્યંત જરૂરી છે.

ઓફિસ કે કામ દરમિયાન સતત બેસી રહેવું, ઓછું પાણી પીવું અને સમયસર ભોજન ન કરવું
મેદસ્વીતાને આમંત્રણ આપે છે. લિફ્ટનો વધુ ઉપયોગ અને શારીરિક ચળવળનો અભાવ પણ મુખ્ય કારણ
છે. દર એક કલાકે થોડું ચાલવું, પૂરતું પાણી પીવું અને સંતુલિત બપોરનું ભોજન લેવો જરૂરી છે.

સાંજે થાક લાગતા લોકો તળેલા નાસ્તા, બિસ્કિટ, ચિપ્સ અથવા મીઠી ચા તરફ વળે છે. આ સમય
દરમિયાન લેવાતી વધારાની કેલરી વજન વધારવામાં મોટો ફાળો આપે છે. તેના બદલે ફળ, ચણા અથવા
ગ્રીન ટી જેવા સ્વસ્થ વિકલ્પ અપનાવા જોઈએ.

મોડું રાત્રિભોજન અને ટીવી કે મોબાઈલ જોતા ખાતા રહેવું પાચનતંત્રને નુકસાન કરે છે. ભારે ભોજન
લીધા બાદ તરત સુઈ જવું ચરબી સંગ્રહને વધારે છે. હળવું ભોજન, વહેલું જમવું અને ભોજન પછી થોડું
ચાલવું ફાયદાકારક છે.
અપૂરતી ઊંઘ હોર્મોનલ અસંતુલન સર્જે છે, જેના કારણે ભૂખ વધે છે અને વજન નિયંત્રણ મુશ્કેલ
બને છે. દરરોજ 7–8 કલાકની ગુણવત્તાયુક્ત ઊંઘ લેવી સ્વસ્થ જીવન માટે અનિવાર્ય છે.

મેદસ્વીતા કોઈ એક સમયની ભૂલ નથી, પરંતુ આખા 24 કલાકની જીવનશૈલીનું પરિણામ છે. જો
આપણે દિવસના દરેક તબક્કામાં નાની સુધારાઓ કરીએ સંતુલિત આહાર, નિયમિત ચળવળ, પૂરતી ઊંઘ
અને તણાવ નિયંત્રણ તો મેદસ્વીતાને અસરકારક રીતે નિયંત્રિત કરી શકાય છે.