‘આપણો મોટો જથ્થો પુરવઠો હોર્મુઝ દ્વારા આવતો નથી’

મધ્ય પૂર્વના દેશમાં તણાવ વચ્ચે કેન્દ્રીય મંત્રીશ્રી હરદીપ પુરીએ ઇંધણ સ્થિરતાની ખાતરી આપી
મધ્ય પૂર્વમાં તણાવ વધી રહ્યો છે, જેના કારણે ઈરાન હોર્મુઝ સ્ટ્રેટ બંધ કરે તેવી શક્યતા વધી રહી છે, ભારત વૈશ્વિક તેલ વલણો પર નજીકથી નજર રાખી રહ્યું છે ત્યારે કેન્દ્રીય પેટ્રોલિયમ અને કુદરતી ગેસ મંત્રીશ્રી હરદીપ સિંહ પુરીએ પુનરોચ્ચાર કર્યો છે કે, ભારત પાસે તેની જરૂરિયાતોને પૂર્ણ કરવા માટે પૂરતો તેલ પુરવઠો છે.
“અમે છેલ્લા બે અઠવાડિયાથી મધ્ય પૂર્વમાં બદલાતી ભૂ-રાજકીય પરિસ્થિતિ પર નજીકથી નજર રાખી રહ્યા છીએ,” પુરીએ ઠ પોસ્ટમાં જણાવ્યું હતું. કેન્દ્રીય મંત્રીએ નોંધ્યું હતું કે ભારતે “છેલ્લા કેટલાક વર્ષોમાં અમારા પુરવઠામાં વૈવિધ્યકરણ કર્યું છે અને અમારા પુરવઠાનો મોટો જથ્થો હવે હોર્મુઝ સ્ટ્રેટ દ્વારા આવતો નથી.”
પુરીએ કહ્યું કે દેશની તેલ માર્કેટિંગ કંપનીઓ પાસે ઘણા અઠવાડિયાનો પુરવઠો છે, અને ઉમેર્યું કે તેઓ “ઘણા માર્ગો પરથી ઊર્જા પુરવઠો મેળવતા રહે છે.”
કેન્દ્રીય મંત્રીએ ખાતરી આપી હતી કે ભારતીય નાગરિકોને બળતણ પુરવઠાની સ્થિરતા સુનિશ્ચિત કરવા માટે તમામ જરૂરી પગલાં લેવામાં આવશે.
ગયા અઠવાડિયે, ઈરાન પર ઇઝરાયલી હુમલા બાદ, પુરીએ ભારપૂર્વક જણાવ્યું હતું કે ભારત પાસે આગામી મહિનાઓ માટે પૂરતો ઉર્જા પુરવઠો છે. “ભારતની ઉર્જા વ્યૂહરચના ઊર્જા ઉપલબ્ધતા, પોષણક્ષમતા અને ટકાઉપણાના ત્રિકોણને સફળતાપૂર્વક પાર કરીને ઘડવામાં આવે છે,” તેમણે ઉમેર્યું હતું કે, “આપણી પાસે આગામી મહિનાઓ માટે પૂરતો ઉર્જા પુરવઠો છે.”
ઉલ્લેખનીય છે કે, હોર્મુઝ સ્ટ્રેટ બંધ થવાને કારણે વધતા તણાવને કારણે દુનિયાના ઘણા બધા દેશો તેલના ભાવ પર સંભવિત પરિણામો વિશે વિચારવા લાગ્યા છે. મીડિયા સૂત્રો એ અહેવાલ આપ્યો છે કે જાે ક્રૂડ ઓઇલનો ભાવ પ્રતિ બેરલ ઇં૧૦૫ થી ઉપર જાય તો કેન્દ્ર સરકાર ઇંધણ પર એક્સાઇઝ ડ્યુટીમાં ઘટાડાની સમીક્ષા કરવાનું વિચારી શકે છે.