પાકિસ્તાની ગેંગે ૧૪૦૦ છોકરીઓનું શોષણ કર્યું,PM સ્ટાર્મર આ બધુ રોકવામાં નિષ્ફળ રહ્યા : મસ્ક

ટેસ્લાના ચીફ ઈલોન મસ્કે શુક્રવારે બ્રિટિશ કિંગ ચાર્લ્સને સંસદ ભંગ કરવાની અપીલ કરી હતી. તેમણે બ્રિટિશ પીએમ કીર સ્ટાર્મર પર આરોપ લગાવ્યા હતા કે તેઓ જ્યારે ૧૫ વર્ષ પહેલા પબ્લિક પ્રોસિક્યુશન ડાયરેક્ટર હતા ત્યારે બળાત્કારના આરોપીઓને સજા આપવામાં નિષ્ફળ રહ્યા હતા. બ્રિટનમાં ઐતિહાસિક સામૂહિક બળાત્કારનો મામલો હાલ હેડલાઇન્સમાં છે. ખાસ કરીને, ૧૯૯૭ અને ૨૦૧૩ વચ્ચે, ‘ગ્રુમિંગ ગેંગ સ્કેન્ડલ’ તરીકે ઓળખાતા ‘રોધરહામ સ્કેન્ડલ’એ લોકોનું ખૂબ ધ્યાન ખેંચ્યું છે. હાલમાં, કન્ઝર્વેટિવ પાર્ટીએ યૌન શોષણ કાંડની તપાસની માંગ કરી હતી, પરંતુ લેબર પાર્ટીની સરકારે તેનો ઇનકાર કરી દીધો હતો. આ અંગે પોતાની નારાજગી વ્યક્ત કરતા મસ્કે સોશિયલ મીડિયા પર લખ્યું-“સ્ટાર્મર ૨૦૦૮ થી ૨૦૧૩ દરમિયાન ક્રાઉન પ્રોસિક્યુશન સર્વિસ (ઝ્રઁજી)ના વડા હતા ત્યારે યુકેના બળાત્કારના કેસમાં સામેલ હતા. બ્રિટિશ ઈતિહાસના સૌથી મોટા ગુનામાં તેમની મિલીભગત માટે તેને આરોપોનો સામનો કરવો જાેઈએ”.

વર્ષ ૨૦૨૨માં એક રિપોર્ટ જાહેર કરવામાં આવ્યો હતો. એવું નોંધવામાં આવ્યું હતું કે ૧૯૯૭ અને ૨૦૧૩ની વચ્ચે ઇંગ્લેન્ડના રોધરહામ, કોર્નવોલ, ડર્બીશાયર, રોશડેલ અને બ્રિસ્ટોલ શહેરોમાં ઓછામાં ઓછી ૧૪૦૦ સગીરાઓ જાતીય શોષણનો ભોગ બની હતી. મોટાભાગના આરોપીઓ પાકિસ્તાની મૂળના લોકો હતા. મોટાભાગની છોકરીઓને એક સંગઠિત ગેંગ દ્વારા લલચાવીને શિકાર બનાવીને તેમની હેરફેર કરવામાં આવતી હતી. પહેલો કેસ રોધરહામ શહેરનો હતો. તપાસમાં ઉત્તરી ઈંગ્લેન્ડના ઘણા શહેરોમાં આવા જ પ્રકારના વધુ કિસ્સાઓ સામે આવ્યા.

મસ્કનો આરોપ છે કે પીડિતો વારંવાર આગળ આવ્યા પછી પણ, કાયદા અમલીકરણ એજન્સીઓ અને સમાજ સેવા કરતા લોકોએ આ કેસમાં યોગ્ય પગલાં લેવામાં અને સગીરાઓની સુરક્ષા કરવામાં સતત નિષ્ફળ રહ્યા છે. જાે કે, બ્રિટનની લેબર પાર્ટીએ મસ્કના આરોપો પર નારાજગી વ્યક્ત કરી હતી. બ્રિટનના આરોગ્ય સચિવ વેસ સ્ટ્રીટીંગે શુક્રવારે જણાવ્યું હતું મસ્કે બ્રિટિશ સરકારને ગેરસમજ કરી છે અને આ મામલે ખોટી માહિતી આપી છે. અમે આ મુદ્દાને ઉકેલવા માટે મસ્ક સાથે કામ કરવા તૈયાર છીએ. મને લાગે છે કે તેઓએ તેમના સોશિયલ મીડિયા પ્લેટફોર્મ દ્વારા આ ગંભીર સમસ્યાનો સામનો કરવામાં અમારી મદદ કરવી જાેઈએ. જાે તે સહકાર આપવા માંગે છે, તો અમે તેને આવકારીશું.

બ્રિટનમાં, ગ્રૂમિંગ ગેંગ એવા લોકોના ગ્રુપનો ઉલ્લેખ કરે છે જેઓ બાળકોનું શારીરિક, માનસિક અને જાતીય શોષણ કરે છે. તેમાંથી મોટાભાગની યુવતીઓ છે. તેઓ તેમના મિત્રો હોવાનું માનીને તેમને છેતરે છે. જ્યારે તેમના પર વિશ્વાસ કરવા લાગે છે, ત્યારે તેઓ તેમના પર દબાણ અને ડરાવીને તેમને કાબુમાં કરે છે અને તેમનો ફાયદો ઉઠાવે છે. આ છોકરીઓને પાર્ટીઓમાં લઈ જવામાં આવે છે, દારૂ અને ડ્રગ્સ આપવામાં આવે છે. ત્યારબાદ તેઓને ઘણા લોકો સાથે સંબંધ બાંધવા દબાણ કરવામાં આવશે. તેઓને આલ્કોહોલ, ગાંજાે અને અન્ય માદક દ્રવ્યોના વ્યસની બનાવવામાં આવે છે, જેથી તેઓ નશામાં રહે અને ગેંગના સભ્યો કહે તે બધું જ કરે. આ છોકરીઓ સમજી શકતી નથી કે તેમનું યૌન શોષણ થઈ રહ્યું છે. આમાંથી ઘણી છોકરીઓ માનવ તસ્કરીનો શિકાર પણ બની હતી.

આમાંની ઘણી છોકરીઓ ગર્ભવતી બની હતી અને તેમને ગર્ભપાત કરાવવો પડ્યો હતો. ઘણી છોકરીઓએ પોતાના બાળકોને જન્મ આપ્યો, પરંતુ તેઓ તેના પિતાનું નામ પણ જાણતી નહોતી. આ ગ્રૂમિંગ ગેંગ સમગ્ર બ્રિટનમાં કાર્યરત હતી, પરંતુ તેઓએ રોશડેલ, રોધરહામ અને ટેલફોર્ડમાં સૌથી વધુ છોકરીઓને નિશાન બનાવી હતી. બ્રિટનમાં આ કામ કરનારા લોકો માટે એક ચર્ચિત વાક્ય વપરાય છે”- ગ્રૂમિંગ ગેંગ. ગ્રુમિંગ ગેંગનો કોઈ સ્પષ્ટ અને એક જ હેતુ નથી હોતો. તેમના કામની પેટર્ન પરથી અંદાજ લગાવી શકાય છે કે તેઓ સગીર વયની બ્રિટિશ છોકરીઓને ફસાવીને પૈસા પડાવે છે. તેઓ તેમનું યૌન શોષણ કરે છે અને તેમને વેશ્યાવૃત્તિ માટે દબાણ કરે છે. તેઓ અશ્લીલ વીડિયો બનાવીને બ્લેકમેલ કરે છે. ઘણા કિસ્સામાં આ યુવતીઓની તસ્કરીના કિસ્સા પણ પ્રકાશમાં આવ્યા છે. પીડિત ડૉ. ઈલા હિલે એક ઈન્ટરવ્યુમાં જણાવ્યું કે જાતિ અને ધર્મના આધારે ગેંગરેપ કરે છે.