ભાવનગર જિલ્લા રોજગાર વિનિમય કચેરી ખાતે તા. ૨૬ નવેમ્બરના રોજ ભરતી મેળો યોજાશે

ભાવનગર યુનિવર્સિટીના રોજગાર માહિતી અને માર્ગદર્શન કેન્દ્ર દ્વારા તા. ૨૬/૧૧/૨૦૨૫ ને બુધવારના રોજ
સવારે ૧૦:૩૦ કલાકે જિલ્લા રોજગાર વિનિમય કચેરી, એફ ૪/૬, એનેક્સી બિલ્ડીંગ, બહુમાળી ભવન, ભાવનગર
ખાતે ભરતી મેળાનું આયોજન કરવામાં આવ્યું છે.
આ ભરતી મેળામાં ખાનગીક્ષેત્રનાં અંદાજિત ૨ એકમમાં પ્રોડક્શન, મેનટેશન ડિઝાઇન, કોમ્પ્યુટર ઓપરેટર,
ક્વોલિટી એન્જીનીયર, મશીન શોપ, ક્વોલિટી કંટ્રોલ, મેન્ટેનશ, ઇલેક્ટ્રિશિયન, વાયરમેન, ઇન્સ્ટ્રુમેન્ટ મિકેનિક, ટર્નર,
ફિટર અને વેલ્ડર પેકિંગની જગ્યા ભરવાની છે. જેમાં ડીપ્લોમા મિકેનીકલ, બી.ઈ. મિકેનીકલ, એમ.એસ.સી,
એમ.સી.એ, એમ.એસ.ડબલ્યુ, આઈ.ટી.આઈ પાસ, ગ્રેજ્યુએટ તથા પોસ્ટ ગ્રેજ્યુએટની શૈક્ષણિક લાયકાત ધરાવતા
રોજગારવાચ્છુઓને ભાવનગર ખાતે રૂબરૂ મુલાકાત તેમજ ઇન્ટરવ્યું માટે રિઝ્યુમની ૩ નકલો સાથે સ્વખર્ચે ઉપસ્થિત
રહેવા યુનિવર્સિટી રોજગાર કેન્દ્રના નાયબવડાશ્રીની યાદીમાં જણાવાયું છે.