સાવરકુંડલા – કાનાળાવ – હાથસણી- રુગનાથ પુર માર્ગ માટે ૫.૫ કરોડના ખર્ચે નવીનીકરણ નો શુભારંભ, રોડ અને માળખાગત સુવિધાઓ ના મોટા પાયે કામો શરુ – : કસવાલા

આજ રોજ સાવરકુંડલા તાલુકાના વિવિધ ગામોમાં માર્ગ વિકાસ અને માળખાગત સુવિધાઓને
વધુ મજબૂત બનાવવા હેતુસર અનેક કાર્યક્રમો ૧૨ કરોડ ખાતમુહૂર્ત તથા લોકાર્પણ યોજાયા હતા.
આ વિકાસકાર્યો દ્વારા તાલુકાના ગ્રામ્ય વિસ્તારોના સર્વાંગી વિકાસને નવી દિશા અને નવી ગતિ મળશે.
ગણેશગઢ ગામે ₹13.75 લાખના ખર્ચે વિવિધ સી.સી. રોડના કામોના ખાતમુહૂર્ત કરવામાં આવ્યા,
જેના કારણે ગામની આંતરિક માર્ગ સુવિધા વધુ સુગમ અને મજબૂત બનશે. આ સાથે ગાધકડા ગામે
₹34.83 લાખના ખર્ચે નિર્માણ પામનાર નવી ગ્રામ પંચાયત (ગ્રામ સચિવાલય) ભવનની સ્થળ મુલાકાત
લઈ કામગીરીની સમીક્ષા કરવામાં આવી હતી, જ્યાં ભવિષ્યમાં ગ્રામજનોને તમામ પ્રશાસનિક સેવાઓ
એક જ સ્થળે સરળતાથી ઉપલબ્ધ થશે. હાથસણી ગામે સાવરકુંડલા–હાથસણી માર્ગ માટે ₹4.10 કરોડ
તેમજ હાથસણી–રૂગનાથપુર માર્ગ માટે ₹1.40 કરોડના ખર્ચે રીસર્ફેસિંગ કામોના કુલ ₹5.50 કરોડના
વિકાસકાર્યોનું ખાતમુહૂર્ત કરવામાં આવ્યું, જેના કારણે આવાગમન વધુ સરળ બનશે અને ખેડૂતો,
વિદ્યાર્થીઓ તથા સામાન્ય નાગરિકોને મોટો લાભ મળશે. ભુવા ગામે ભુવા–ખડકાળા–જીરા સ્ટેશન રોડ
પર ₹1.80 કરોડ ના ખર્ચે રીસર્ફેસિંગ કામનું ખાતમુહૂર્ત કરવામાં આવ્યું, જે વિસ્તારના ગામોને મુખ્ય
માર્ગ સાથે જોડવામાં મહત્વપૂર્ણ સાબિત થશે. ધાર–મોલડી તરફ જતાં માર્ગ પર નિર્મિત 2 સ્પાન સ્લેબ
ડ્રેનનું ₹70 લાખના ખર્ચે લોકાર્પણ કરવામાં આવ્યું, જેના કારણે વરસાદી પાણીના યોગ્ય નિકાલની
સુવિધા મળશે અને ચોમાસામાં માર્ગ પર પાણી ભરાવાની સમસ્યા દૂર થશે. આ ઉપરાંત ખાલપર ગામે

ખાલપર–બવાડી રોડના ₹3.25 કરોડના ખર્ચે સી.સી. રોડ તેમજ દીવાલના કામોના ખાતમુહૂર્ત કરવામાં
આવ્યા, જેના કારણે સ્થાનિક લોકોને સલામત, સુવ્યવસ્થિત અને ટકાઉ માર્ગ સુવિધા ઉપલબ્ધ બનશે
આ તમામ વિકાસકાર્યોના અમલથી સાવરકુંડલા તાલુકાના ગ્રામ્ય વિસ્તારોમાં માર્ગ સુવિધા, આવાગમન,
સુરક્ષા તથા જનસુવિધાઓમાં નોંધપાત્ર સુધારો થશે અને સ્થાનિક વિકાસને નવી ગતિ મળશે.
આ સમગ્ર વિકાસ કાર્યક્રમમાં તાલુકા પંચાયત સદસ્યશ્રીઓ, જિલ્લા પંચાયત સદસ્યશ્રીઓ, તાલુકા
ભાજપ સંગઠનના હોદ્દેદારશ્રીઓ, સહકારી આગેવાનશ્રીઓ, ગ્રામ પંચાયતના સરપંચશ્રીઓ તેમજ
આગેવાનો અને કાર્યકરમિત્રોએ મોટી સંખ્યામાં ઉપસ્થિત રહી કાર્યક્રમને સફળ બનાવ્યો હતો.