પાલિતાણાના રંડોળા ગામે કમોસમી વરસાદમાં ક્ષતિગ્રસ્ત કોઝવેની મરામત

ભાવનગર જિલ્લામાં માર્ગ દુરસ્તીકરણની કામગીરી પૂરજોશમાં શરૂ કરવામાં આવી છે. રાજ્યના છેવાડાના
વિસ્તારોમાં પણ માર્ગની સમસ્યા ન રહે તેવા ઉદ્દેશ્યથી કમોસમી વરસાદથી ક્ષતિગ્રસ્ત માર્ગોનું સમારકામ અને
રિસરફેસીંગનું કામ શરૂ કરવામાં આવ્યું છે. આ કામગીરી અંતર્ગત ભાવનગર જિલ્લાના માર્ગ અને મકાન વિભાગ
રાજ્ય હસ્તકના રંડોળા ગામે કમોસમી વરસાદમાં ક્ષતિગ્રસ્ત કોઝવેની મરામત કરવામાં આવી હતી.
માર્ગ અને મકાન-રાજ્ય દ્વારા તાત્કાલિક ધોરણે પાલિતાણાના રંડોળા ગામે કમોસમી વરસાદમાં ક્ષતિગ્રસ્ત
કોઝવેની મરામત કરીને રસ્તો બનાવવામાં આવ્યો હતો. જેથી વિરપુર, મઢડા, ખારી, કનડ સહિતના ગામોને લાભ
મળશે અને વાહનવ્યવહાર સુગમ બનશે.