દક્ષિણ કોરિયામાં હડકંપ મચ્યો , રાષ્ટ્રપતિ યૂન સુક યોલની ધરપકડ કરી

દક્ષિણ કોરિયાના સત્તાવાળાઓએ ૩ ડિસેમ્બરે માર્શલ લો ની ઘોષણા સંબંધિત મામલાઓમાં આ કાર્યવાહી કરી છે. દક્ષિણ કોરિયા ના રાષ્ટ્રપતિ યૂન સુક યોલ ની ધરપકડ કરવામાં આવી છે. યૂન દક્ષિણ કોરિયામાં મહાભિયોગ નો સામનો કરી રહ્યા હતા અને તેમના પર ધરપકડની તલવાર લટકી રહી હતી. દક્ષિણ કોરિયાના સત્તાવાળાઓએ ૩ ડિસેમ્બરે માર્શલ લો ની ઘોષણા સંબંધિત મામલાઓમાં આ કાર્યવાહી કરી છે. માહિતી અનુસાર, સવારે ત્રણ હજારથી વધુ પોલીસ અધિકારીઓ અને ભ્રષ્ટાચાર વિરોધી તપાસકર્તાઓ યેઓલના ઘરે પહોંચ્યા હતા, જ્યાં યૂનના સમર્થકો અને સત્તાધારી પીપલ્સ પાવર પાર્ટી ના સભ્યોની સુરક્ષા દળો સાથે અથડામણ થઈ હતી.

આ દરમિયાન અનેક લોકોની અટકાયત કરવામાં આવી હતી. હકીકતમાં યુને ૩ ડિસેમ્બરે માર્શલ લૉ જાહેર કર્યો હતો. તેમની આ જાહેરાતથી દેશના રાજકારણમાં હલચલ મચી ગઈ હતી અને જનતા પણ આશ્ચર્યચકિત થઈ ગઈ હતી. બાદમાં ૧૪ ડિસેમ્બરે, સાંસદોએ તેમના પર મહાભિયોગ ચલાવવા અને તેમને પદ પરથી હટાવવા માટે મતદાન કર્યું હતું. હવે બંધારણીય અદાલત આ જ મહાભિયોગ પર વિચાર કરી રહી છે અને તેમને કાયમી ધોરણે હટાવવાની પણ ચર્ચા ચાલી રહી છે. યુન પર ધરપકડનો ખતરો પહેલેથી જ લટકતો હોવાથી તેના વકીલો પણ અગાઉથી નિવેદનો આપી રહ્યા હતા. યૂનના વકીલોએ કહ્યું હતું કે યૂનની અટકાયત કરવાનો પ્રયાસ ગેરકાયદેસર હતો. આ બધું તેમને અપમાનિત કરવા માટે કરવામાં આવી રહ્યું છે. યુનના વકીલોએ સમગ્ર મામલાને કાવતરું ગણાવ્યું હતું. હાલમાં યુનની ધરપકડ સમગ્ર વિશ્વમાં ચર્ચાનો વિષય બની રહી છે. રાષ્ટ્રપતિની આ રીતે ધરપકડ થવી એ એક મોટી રાજકીય ઘટના છે.