સત્તાધારી પક્ષ અને વિપક્ષ આમને-સામને, સંસદ ભવનના પ્રાંગણમાં દેખાવો દરમિયાન બંને પક્ષોના સાંસદો વચ્ચે ધક્કા મુક્કી

બાબા સાહેબ આંબેડકરને લઈને અમિત શાહે કરેલી ટિપ્પણીને લઈને સત્તાધારી પક્ષ અને વિપક્ષ આમને-સામને આવી ગયા છે. આજે ગુરુવારે સંસદ ભવનના પ્રાંગણમાં દેખાવો દરમિયાન બંને પક્ષોના સાંસદો વચ્ચે ધક્કા મુક્કી થઈ હતી. ભારતીય જનતા પાર્ટીના બે સાંસદો આ ધક્કા મુક્કીમાં ઘાયલ થયા છે. વિપક્ષે શાસક પક્ષ પર ધક્કા મુક્કી કરવાનો આરોપ લગાવ્યો છે. આવા સમયે, નાગાલેન્ડની મહિલા સાંસદે રાહુલ ગાંધી પર ગંભીર આરોપ લગાવ્યો છે કે લોકસભામાં વિપક્ષના નેતાએ તેમની સાથે ગેરવર્તન કર્યું છે. ભાજપના રાજ્યસભા સાંસદ એસ ફાનોંગ કોન્યાકે રાજ્યસભાના અધ્યક્ષ જગદીપ ધનખર સમક્ષ રાહુલ ગાંધીની ગેરવર્તણૂકની ફરિયાદ કરી હતી.

તેમણે કહ્યું કે લોકસભામાં વિપક્ષના નેતા રાહુલ ગાંધીએ તેમની સાથે ગેરવર્તન કર્યું છે. કોન્યાકે સ્પીકરને મોકલેલા તેમના ફરિયાદ પત્રમાં જણાવ્યું હતું કે, “વિપક્ષના નેતા રાહુલ ગાંધીએ મારી પ્રતિષ્ઠા અને સ્વાભિમાનને ઊંડી ઠેસ પહોંચાડી છે.” તેણીએ કહ્યું, “હું ગૃહમાં સુરક્ષાની માંગણી કરું છું.” ફાનોંગ કોન્યાકે કહ્યું, “આજે દિવસ દરમિયાન જ્યારે હું આંબેડકરને લઈને કોંગ્રેસ સામે વિરોધ કરી રહી હતી ત્યારે વિપક્ષના નેતા રાહુલ ગાંધી મારી ખૂબ નજીક આવ્યા હતા. મને તે ગમ્યું નહીં અને અચાનક તેઓ જાેરજાેરથી બૂમો પાડવા લાગ્યો. આજે જે પણ થયું તે ખૂબ જ દુઃખદ છે, એવું ન થવું જાેઈએ. અમને તેની ગુંડાગીરી કરવાની રીત પસંદ નહોતી. મેં અધ્યક્ષને પણ ફરિયાદ કરી છે.

તેણીએ કહ્યું, “હું નાગાલેન્ડના અનુસૂચિત જનજાતિ સમુદાયમાંથી આવું છું. હું ગૃહની મહિલા સભ્ય છું. લોકસભા વિપક્ષના નેતા રાહુલ ગાંધીએ આજે ??મારી ગરિમા અને સ્વાભિમાનને ઊંડી ઠેસ પહોંચાડી છે. અગાઉ, રાજ્યસભામાં ગૃહના નેતા અને કેન્દ્રીય પ્રધાન જેપી નડ્ડા અને કેન્દ્રીય સંસદીય બાબતોના પ્રધાન કિરેન રિજિજુએ રાહુલ ગાંધી પર સંસદના પ્રવેશદ્વાર પર ભાજપની મહિલા સાંસદો સામે બળનો ઉપયોગ કરવાનો આરોપ લગાવ્યો હતો. આ પછી ગૃહમાં હોબાળો થયો હતો અને હંગામાને જાેતા રાજ્યસભાની કાર્યવાહી દિવસભર માટે સ્થગિત કરવી પડી હતી. એક વખત સંસદની કાર્યવાહી સ્થગિત કર્યા બાદ ૨ વાગે ગૃહની કાર્યવાહી શરૂ થતાં જ ભાજપ દ્વારા રાહુલ ગાંધીના કથિત ગેરવર્તનનો મુદ્દો ઉઠાવવામાં આવ્યો હતો. આ માટે ભાજપે તેમની અને કોંગ્રેસ, ગૃહ અને સમગ્ર દેશની માફી માંગવાની માંગ કરી છે. કોન્યાકે આરોપ લગાવ્યો કે, જ્યારે તે સંસદના મકર ગેટ પાસે અન્ય સાંસદો સાથે વિરોધ કરી રહી હતી, ત્યારે લોકસભામાં વિપક્ષના નેતા રાહુલ ગાંધી તેની નજીક આવ્યા અને તેના પર બૂમો પાડવા લાગ્યા. તેમણે અધ્યક્ષની પરવાનગીથી પોતાના વિચારો વ્યક્ત કર્યા અને વિપક્ષના નેતા પર ગંભીર આક્ષેપો કર્યા. તેણે કહ્યું કે તે આ ઘટનાથી ખૂબ જ દુઃખી છે.