અમરેલીમાં તા. ૦૬ થી ૦૮ ડિસેમ્બર સૌરાષ્ટ્ર પ્રદેશકક્ષા કલા મહાકુંભ યોજાશે

આગામી તા-૦૬-૧૨-૨૦૨૫, ૦૭-૧૨-૨૦૨૫, ૦૮-૧૨-૨૦૨૫ ડીસેમ્બર ૨૦૨૫નાં રોજ યુવક સેવા અને સાંસ્કૃતિક પ્રવૃત્તિઓ ગાંધીનગરનાં ઉપક્રમે જિલ્લા વહીવટી તંત્ર અમરેલીનાં રાહબરી હેઠળ શ્રી કે.કે. પારેખ અને મહેતા આર.પી વિદ્યાલય અમરેલીનાં સહયોગથી અને જિલ્લા યુવા અને સાંસ્કૃતિક પ્રવૃત્તિઓની કચેરી અમરેલી સંચાલિત સૌરાષ્ટ્ર પ્રદેશકક્ષા કલા મહાકુંભનો કે.કે. પારેખ અને મહેતા આર.પી. વિદ્યાલય ખાતે ઉદઘાટન કાર્યક્રમ ૦૬ ડીસેમ્બર-૨૦૨૫નાં રોજ બપોરે ૧૦:૩૦ કલાકે યોજાશે.

જેમાં સૌરાષ્ટ્રનાં આઠ જિલ્લા અને ચાર કોર્પોરેશન સહિત બાર જિલ્લાનાં પ્રથમ વિજેતા કલાકારો ભાગ લેશે. અમરેલી જિલ્લામાં કુલ ત્રીસ કૃતીનું આયોજન કરવામાં આવશે. જેમાં તા:-૦૬.૧૨.૨૦૨૫નાં રોજ લોકનૃત્ય, સમુહગીત, એકપાત્રીય અભિનય, ભરતનાટ્યમ, લોકવાર્તા, કાવ્યલેખન, ગઝલ શાયરી, ચિત્રકલા, વાયોલીન, ઓરગન, તબલાની સ્પર્ધા થશે.

તા. ૦૭.૧૨.૨૦૨૫નાં રોજ રાસ, લોકગીત ભજન, સુગમ સંગીત, કથ્થક, દુહા-છંદ-ચોપાઈ, નિબંધ, વકતૃત્વ, સર્જનાત્મક કારીગરી, ગીટાર, સિતાર, વાંસળીની સ્પર્ધા થશે અને તા.૦૮.૧૨.૨૦૨૫નાં રોજ ગરબા, લગ્નગીત, શાસ્ત્રીય કંઠ્ય સંગીત(હિન્દુસ્તાની),

મોહિની અટ્ટમ, ઓડીસી, કુચીપુડી, હાર્મોનિયમ, સ્કલબેન્ડ સ્પર્ધાનું આયોજન કરવામાં આવશે.. એમ ત્રણ દિવસ પ્રદેશકક્ષા કલા મહાકુંમ યોજાશે જેમાં સૌરાષ્ટ્ર નાં બહોળી સંખ્યામાં કલાકારો ભાગ લેશે એવું જિલ્લા યુવા વિકાસ અધિકારીશ્રી અમરેલીની એક યાદીમાં જણાવ્યું છે.