કેનેડાના ટોરોન્ટોમાં ગોળીબાર; ૧નું મોત, ૫ ઘાયલ, બંદૂકધારીની શોધ ચાલુ

મંગળવારે રાત્રે ટોરોન્ટોના લોરેન્સ હાઇટ્સ વિસ્તારમાં ગોળીબારની ઘટનામાં એક વ્યક્તિનું મોત થયું હતું અને પાંચ અન્ય ઘાયલ થયા હતા, એમ અધિકારીઓને ટાંકીને સ્થાનિક મીડિયા અહેવાલોમાં જણાવાયું છે.
આ મામલે ટોરોન્ટો પોલીસ અને કટોકટી સેવાઓએ રાત્રે ૮.૩૦ વાગ્યા પછી ફ્લેમિંગ્ટન અને ઝાચેરી રોડના આંતરછેદ નજીક, રાની એવન્યુ અને એલન રોડની નજીક ગોળીબારના અહેવાલો પ્રાપ્ત કર્યા.
એક પીડિતને ઘટનાસ્થળે મૃત જાહેર કરવામાં આવ્યો હતો, જ્યારે અન્ય પાંચને ગોળી વાગી હતી જે જીવલેણ ન હોવાનું જણાવાયું હતું અને તેમને હોસ્પિટલમાં લઈ જવામાં આવ્યા હતા.
જાે કે, પોલીસે અત્યાર સુધી કોઈ શંકાસ્પદ માહિતી જાહેર કરી નથી. તપાસ ચાલુ હોવાથી, રાની એવન્યુ અને ફ્લેમિંગ્ટન રોડ નજીક એક કમાન્ડ પોસ્ટ સ્થાપિત કરવામાં આવી છે.
ટોરોન્ટો પોલીસે સોશિયલ મીડિયા પ્લેટફોર્મ ઠ પર એક પોસ્ટમાં જણાવ્યું હતું કે ફ્લેમિંગ્ટન રોડ અને ઝાચેરી કોર્ટ નજીક મંગળવારે રાત્રે ૮:૪૦ વાગ્યે ગોળીબારના સમાચાર મળતા અધિકારીઓ ઘટનાસ્થળે પહોંચ્યા હતા. હુમલાખોરની શોધખોળ હજુ પણ ચાલુ છે.
આ મામલે ટોરોન્ટો પેરામેડિક્સના જણાવ્યા અનુસાર, પીડિતોની ઉંમર ૧૮ થી ૪૦ વર્ષની વચ્ચે છે. ટોરોન્ટો પોલીસે જણાવ્યું કે ગોળીબારમાં પાંચ લોકો ઘાયલ થયા છે અને તેમને હોસ્પિટલમાં દાખલ કરવામાં આવ્યા છે, પરંતુ તે ખતરાથી બહાર છે. ટોરોન્ટોના મેયર ઓલિવિયા ચાઉએ સોશિયલ મીડિયા પોસ્ટમાં કહ્યું, ‘આજે સાંજે લોરેન્સ હાઇટ્સ વિસ્તારમાં ગોળીબારના સમાચારથી હું દુ:ખી છું. મારી ઓફિસ ટોરોન્ટો પોલીસના સંપર્કમાં છે, જે હાલમાં ઘટનાસ્થળે પહોંચીને તપાસ કરી રહી છે.‘