આંબલામાં શ્રી અરૂણાબેન – રઘુભાઈ અભિવાદન ગ્રંથ ‘કેળવણીની કેડીએ ‘ વિમોચન કાર્યક્રમ

ગોહિલવાડની સુપ્રસિદ્ધ વિરાસત સંસ્થા ગ્રામદક્ષિણામૂર્તિ લોકશાળામાં શ્રી અરૂણાબેન – રઘુભાઈ અભિવાદન ગ્રંથ ‘કેળવણીની કેડીએ ‘ વિમોચન કાર્યક્રમ યોજાઈ ગયો. અહીંયા ભૂતપૂર્વ વિદ્યાર્થીઓએ સમાજમાં વટ અને માનભેર જીવીએ છીએ તેનું કારણ લોકશાળાની કેળવણી ગણાવતાં સન્માન ભાવવ્યક્ત કર્યો. 

ગ્રામદક્ષિણામૂર્તિ લોકશાળામાં કાર્યકર્તા રહેલાં ગૃહમાતા શ્રી અરૂણાબેન પટેલ તથા ગૃહપતિ રહેલાં શ્રી રઘુભાઈ પટેલ સાથે જોડાયેલ સંસ્મરણો વ્યક્ત કરતાં અંહિયા ભૂતપૂર્વ વિદ્યાર્થીઓએ સમાજમાં વટ અને માનભેર જીવીએ છીએ તેનું કારણ લોકશાળાની કેળવણી ગણાવતાં સન્માન ભાવ વ્યક્ત કર્યો. સંસ્થાનાં ભૂતપૂર્વ કાર્યકર્તાઓએ તેમનાં સંસ્મરણોમાં શ્રી નાનાભાઈ ભટ્ટ, શ્રી મનુભાઈ પંચોળી ‘દર્શક’, શ્રી નટવરલાલ બૂચ અને સંસ્થાનાં વિવિધ પ્રસંગો યાદ કર્યા હતાં.

શ્રી અરૂણાબેન – રઘુભાઈ અભિવાદન ગ્રંથ ‘કેળવણીની કેડીએ ‘ વિમોચનમાં મહાનુભાવો અને સંપાદક સમિતિનાં કાર્યકર્તાઓ જોડાયાં.

ગોહિલવાડની સુપ્રસિદ્ધ વિરાસત સંસ્થામાં આ કાર્યક્રમમાં પુસ્તક અંગે પ્રસ્તુતિ કરતાં શ્રી મનસુખ ભાઈ સલ્લાએ આ પ્રકાશન એ ગદ્ય નહિ પણ ભાવ રૂપે ઉત્તમ રહ્યાનું જણાવ્યું. ખરો શિક્ષક વ્યાખ્યાન જ આપે નહિ પણ કાળજી રાખે. ગૃહમાતા શ્રી અરૂણાબેન પટેલ તથા ગૃહપતિ શ્રી રઘુભાઈ પટેલ બંને સમર્પણ ભાવથી રહ્યાનું જણાવ્યું.

પુસ્તક અંગે પ્રતિભાવ વેળાએ શ્રી રેખાબેન પટેલે તેમનાં બાળપણથી શિક્ષણ અને આંબલા આવ્યાં સુધીનાં સંસ્મરણો રજૂ કર્યા અને પોતે કોઈને ઘડ્યા નથી પણ તેઓ અંહિયા ઘડાયા હોવાનું નમ્રભાવે જણાવ્યું.સંસ્થાનાં વડા શ્રી અરુણભાઈ દવેએ ઉદ્બોધન વગર આ પ્રસંગનો રાજીપો વ્યક્ત કર્યો હતો. 

સંસ્થા પરિવારનાં શ્રી નીરૂબેન ભટ્ટ અને શ્રી બિંદુબા ઝાલાનાં સંકલન સંચાલન સાથે આ કાર્યક્રમમાં સંસ્થાનાં અગ્રણી શ્રી યોગેશભાઈ ભટ્ટ, પૂર્વ વિદ્યાર્થિની અને પૂર્વ સાંસદ શ્રી ભારતીબેન શિયાળ સાથે પૂર્વ મંત્રી શ્રી કાનજીભાઈ પટેલ દ્વારા પ્રાસંગિક વાતો રજૂ થઈ. અહીંયા શ્રી પ્રશાંતભાઈ ભટ્ટ જોડાયા હતાં. લોકશાળા પરિવાર દ્વારા શ્લોકગાન સાથે કાર્યક્રમ પ્રારંભે મહાનુભાવોનાં હસ્તે દીપપ્રાગટ્ય કરવામાં આવ્યું.આ પ્રસંગે શ્રી વાઘજીભાઈ કરમટિયા દ્વારા સ્વાગત પરિચય રજૂ થયેલ જ્યારે શ્રી મેહુલભાઈ ભટ્ટે આ પુસ્તક પ્રકાશન ઉદભવ સંદર્ભે વિગત આપી. આ કાર્યક્રમમાં શ્રી જયમાલિનીબેન પટેલ દ્વારા સુંદર ભજન પ્રસ્તુત કરવામાં આવ્યું. આભાર વિધિ શ્રી રાહુલભાઈ પટેલે કરી. શ્રી અરૂણાબહેન – રઘુભાઈ અભિવાદન ગ્રંથ સમિતિનાં સભ્યો શ્રી હિનાબેન ગોઠી, શ્રી નીરુબેન પરસાણા, શ્રી રાહુલભાઈ પટેલ, શ્રી ભાવનાબેન જાડેજા, શ્રી બિંદુબેન ઝાલા તથા શ્રી અંજનાબેન ચૌધરી અને સંસ્થા કાર્યકર્તા તથા વિદ્યાર્થીઓએ જહેમત ઉઠાવી હતી.

આ વિમોચન કાર્યક્રમમાં શ્રી જયવંતસિંહ જાડેજા, શ્રી નાનુંભાઈ વાઘાણી, શ્રી મેહુરભાઈ લવતુકા વગેરે અગ્રણીઓ સાથે સંસ્થા પરિવારનાં શ્રી રામચંદ્રભાઈ પંચોળી, શ્રી સુરશંગભાઈ ચૌહાણ, શ્રી હસમુખભાઈ દેવમુરારિ, શ્રી ફાઝલભાઈ ચૌહાણ, શ્રી દેવેન્દ્રભાઈ ભટ્ટ, શ્રી રાજુભાઈ વાળા, શ્રી ડાયાભાઈ ડાંગર સહિત કાર્યકર્તાઓ અને પૂર્વ વિદ્યાર્થીઓ મોટી સંખ્યામાં જોડાયાં હતાં અને સહજ અશ્રુઓ સાથે સંસ્મરણો તાજા કરતાં રહ્યાં હતાં.