મતદારયાદી ખાસ સઘન સુધારણા કાર્યક્રમ, આગામી તા. ૧૫, ૧૬, ૨૨ અને ૨૩ નવેમ્બરના રોજ મતદાન મથકો પર BLOની મદદથી મતદારો ફોર્મનું મેપિંગ-લિંકીંગ કરાવી શક

ભારતના ચૂંટણી પંચ, નવી દિલ્હીના તા.૨૭.૧૦.૨૦૨૫ના પત્રથી તા.૦૧.૦૧.૨૦૨૬ની લાયકાતની તારીખના સંદર્ભમાં મતદારયાદી ખાસ સઘન સુધારણા કાર્યક્રમ-૨૦૨૬ જાહેર કરવામાં આવ્યો છે. જે તા.૨૮.૧૦.૨૦૨૫થી શરૂ થઈ તા.૦૭.૦૨.૨૦૨૬ સુધી જાહેર થયેલ છે.

અમરેલી જિલ્લાના તમામ મતદાન મથકોમાં સમાવિષ્ટ તમામ મતદારોની ખરાઈ તા.૦૪.૧૧.૨૦૨૫ થી બુથ લેવલ ઓફિસર દ્વાર શરૂ થઈ છે. સને-૨૦૦૨ની મતદારયાદીનાં સંદર્ભમાં થઈ રહેલા આ કાર્યક્રમમાં મતદારો (https://voters.eci.gov.in/) પરથી અગાઉના સઘન સુધારણા કાર્યક્રમ-૨૦૦૨માં પોતાનું નામ ચકાસી શકશે. બુથ લેવલ અધિકારી દ્વારા તમામ મતદારોનાં ઘેર જઈને Enumeration Form આપશે તથા ફોર્મ ભરવા જરૂરી માર્ગદર્શન આપશે. આ અંગે જિલ્લા કક્ષાએ ૧૯૫૦ હેલ્પલાઈન નંબર કાર્યરત છે.

આગામી તા. ૧૫.૧૧.૨૦૨૫ નવેમ્બર, ૧૬.૧૧.૨૦૨૫ નવેમ્બર, ૨૨.૧૧.૨૦૨૫ નવેમ્બર, ૨૩.૧૧.૨૦૨૫ નવેમ્બરના રોજ સવારે ૯.૦૦થી ૧.૦૦ કલાક સુધી BLOના તેમના મતદાન મથક પર હાજર રહેવાના હોવાથી આ સમયગાળા દરમિયાન તમામ મતદારો BLOની મદદથી મેપિંગ/લિન્કિંગ કરાવી શકશે તથા ફોર્મ ભરવા માર્ગદર્શન મેળવી શકશે.

મતદારો BLOનો ફોનથી સંપર્ક કરવા માટે Voters.eci.gov.in પરથી “Book a call BLO”નો વિકલ્પ ઉપયોગ કરી શકાશે તેમ જિલ્લા ચૂંટણી અધિકારીશ્રી અને કલેક્ટરશ્રી અમરેલીએ એક યાદીમાં જણાવ્યું છે.