વિશ્વ કિડની દિવસ નિમિત્તે ઇન્ડિયા રીનલ ફાઉન્ડેશન ભાવનગર દ્વારા ચિત્ર સ્પર્ધા રેલી જેવા વિશિષ્ટ કાર્યક્રમ

ભાવનગર,  વિશ્વ કિડની દિવસ નિમિત્તે ઇન્ડિયા રીનલ ફાઉન્ડેશન ભાવનગર દ્વારા લોકજાગૃતિ વધારવાના ઉદ્દેશ સાથે એક વિશિષ્ટ કાર્યક્રમનું આયોજન કરવામાં આવ્યું છે. આ કાર્યક્રમનું આયોજન તેજસ્વી સ્કૂલ, ભાવનગર ખાતે તા. ૧૩ માર્ચ, ૨૦૨૫ ના રોજ સવારે 9 વાગ્યે કરવામાં આવશે.

ઇન્ડિયા રીનલ ફાઉન્ડેશન, શ્રી ત્રિલોકભાઈ પરીખના માર્ગદર્શન અને શ્રી જયેશભાઈ પટેલ ના નેતૃત્વ હેઠળ, છેલ્લા ૨૩ વર્ષથી સમગ્ર ગુજરાત રાજ્યમાં સતત કાર્યરત છે. સંસ્થા મુખ્યત્વે કિડની રોગોના વધતા જતાં પ્રમાણને અટકાવવા માટે કિડની જાગૃતિ અભિયાન ચલાવી રહી છે. આ અભિયાન દ્વારા લોકોમાં કિડની આરોગ્ય અંગે જાગૃતિ લાવવા અને કિડનીના દર્દીઓની સહાય માટે વિવિધ પ્રવૃત્તિઓ કરવામાં આવી રહી છે.

આ પ્રસંગે વિવિધ પ્રવૃત્તિઓનું આયોજન કરવામાં આવ્યું છે, જેમાં મુખ્યત્વે ઓપન ભાવનગર ચિત્ર સ્પર્ધાનો સમાવેશ છે. આ સ્પર્ધામાં ભાવનગર શહેરના નાગરિકો અને વિદ્યાર્થીઓ ઉત્સાહપૂર્વક ભાગ લેશે અને કિડની આરોગ્ય અને કિડની રોગ નિવારણ અંગેના સંદેશાઓને પોતાના ચિત્રો દ્વારા વ્યક્ત કરશે.

આ ઉપરાંત, કિડની જન જાગૃતિ રેલીનું પણ આયોજન કરવામાં આવ્યું છે, જે વિદ્યાર્થીઓ, અને સ્વયંસેવકોની ઉપસ્થિતિમાં કિડની રોગ વિશે જાગૃતિ લાવશે. સાથે સાથે, પોસ્ટર પ્રદર્શન દ્વારા કિડની સંરક્ષણ અને આરોગ્ય અંગેની માહિતી લોકોસુધી પહોંચાડવાનો પ્રયાસ કરવામાં આવશે.સ્થળ: તેજસ્વી સ્કૂલ, ભાવનગર તારીખ અને સમય: ૧૩ માર્ચ, ૨૦૨૫, સવારે 9 વાગ્યે આયોજન કરવામાં આવ્યું છે આ પ્રસંગે ભાવનગર શહેરના તમામ નાગરિકોને આ કાર્યક્રમમાં ઉમદા કાર્યમાં ભાગ લેવા આમંત્રણ આપવામાં આવે છે. આવો, કિડની આરોગ્યને પ્રોત્સાહન આપીને સ્વસ્થ સમાજની સ્થાપના તરફ સાથે મળીને પ્રગતિ કરીએ.નો અનુરોધ કરાયો છે