‘નાળિયેર હેઠળના વિસ્તારનું વિસ્તરણ’ યોજના હેઠળ નાળિયેરના નવા વાવેતર માટે સબસિડી મેળવી શકાશે

નાળિયેર હેઠળના વિસ્તારને વધારવા માટે યોગ્ય વિસ્તારોમાં નાળિયેરીના બગીચા સ્થાપવા માટે પ્રોત્સાહિત
કરવા માટે, ભારત સરકારના કૃષિ અને ખેડૂત કલ્યાણ મંત્રાલયના નાળિયેર વિકાસ બોર્ડ દ્વારા ‘નાળિયેર હેઠળના
વિસ્તારનું વિસ્તરણ’ યોજના હેઠળ બે સમાન વાર્ષિક હપ્તામાં પ્રતિ હેક્ટર રૂ.૫૬,૦૦૦/- ની સહાય આપવામાં આવે
છે.
જે ખેડૂતો અને સંસ્થાઓ જમીન ધરાવે છે અને વૈજ્ઞાનિક નાળિયેરની ખેતી પદ્ધતિઓ અપનાવીને ઓછામાં
ઓછા ૧૦ રોપા (૦.૦૮ હેક્ટર) નાળિયેરના રોપા વાવવા ઇચ્છુક છે, તેઓ આ યોજના હેઠળ નાણાકીય સહાય
મેળવવા પાત્ર છે, જેમાં મહત્તમ ૨ હેક્ટર (@૧૬૦ રોપા/હેક્ટર) નો સમાવેશ થાય છે. અરજી ફોર્મમાં નિયમો અને
શરતોનો ઉલ્લેખ છે.
પાત્રતા ધરાવતા લાભાર્થીઓ, રોપાઓ રોપ્યા પછી https://coconutboard.gov.in/docs/aepgujarat.pdf પર
ઉપલબ્ધ પ્રથમ વર્ષની સબસિડી અરજીઓ ડાઉનલોડ કરીને અરજી ફોર્મમાં દર્શાવેલ અન્ય દસ્તાવેજો સાથે ભરેલી
અરજીઓ નાળિયેર વિકાસ બોર્ડ, રાજ્ય કેન્દ્ર – ગુજરાત, બી વિંગ, પહેલો માળ, બહુમાળી ભવન, સરદાર બાગ,
જૂનાગઢ, ગુજરાત 362001 ને મોકલવાની રહેશે. બોર્ડ દ્વારા પ્રક્રિયા કર્યા પછી, પાત્ર સબસિડી સીધી લાભાર્થીના બેંક
ખાતામાં મોકલવામાં આવશે. વધુ માહિતી માટે 0285-2990230 પર ટેલિફોન અથવા sc-
junagadh@coconutboard.gov.in પર ઈમેઈલ કરવાનો રહેશે.