સુઝુકી કંપનીની પહેલી ઈલેક્ટ્રિક કાર ‘Maruti e Vitara’ કાર થઈ લોન્ચ

વડાપ્રધાન મોદીના ગુજરાત પ્રવાસના બીજા દિવસે ગાંધીનગર રાજભવનથી બહુચરાજી પાસેના હાંસલપુર ખાતે પહોંચ્યા છે. સુઝુકી કંપનીની પહેલી ઈલેક્ટ્રિક કાર ‘સ્ટ્ઠિંેૈ ી ફૈંટ્ઠટ્ઠિ‘કારને લોન્ચ કરી હતી અને બેટરી પ્લાન્ટનું ઉદ્ઘાટન કર્યું છે.જે ઓટોમોબાઈલ હબમાં ગુજરાતનું સૌથી મોટું પગલું માનવામાં આવે છે. આ ઇલેક્ટ્રિક વ્હીકલ ૧૦૦ દેશોમાં એક્સપોર્ટ પણ થશે.
વડાપ્રધાને આ પ્રસંગે કહ્યું હતું કે, ગણેશ ઉત્સવના ઉલ્લાસ દરમિયાન આજે ભારતની મેક ઈન ઈન્ડિયાની યાત્રામાં એક નવો અધ્યાય જાેડાયો છે. આ મેક ઈન ઈન્ડિયા મેક ફોર ધ વર્લ્ડ અમારા લક્ષ્ય તરફ એક મોટી છલાંગ છે. આજથી ભારતમાં બનેલા ઈલેકટ્રીક વિહિકલ ૧૦૦ દેશોમાં એક્સપોર્ટ કરવામા આવશે. સાથે જ આજે હાઈબ્રિજ બેટરીનું મેન્યુફેક્ચરિંગ પણ સ્ટાર્ટ થઈ રહ્યું છે. આજનો દિવસ ભારત અને જાપાનની મિત્રતાને નવી શરૂઆત કરાવે છે. ગુજરાતનો અને મારૂતિનો ટીન એજમાં પ્રવેશ એટલે કે આવનારા દિવસોમાં મારૂતિ નવી પાંખો ફેલાવશે અને આગળ વધશે. મિત્રો ભારતની સફળ સ્ટોરીના બીજ ૧૩ વર્ષ પહેલા વવાયા હતાં. ૨૦૧૨માં જ્યારે હું અહીંનો મુખ્યમંત્રી હતો ત્યારે અમે મારુતિ સુઝુકીને હાંસલપુરમાં જમીન ફાળવી હતી. વિઝન એ સમયે પણ આર્ત્મનિભર ભારતનું અને મેક ઈન ઈન્ડિયાનું હતું. અમારા સૌના પ્રયાસો આજે દેશના સંકલ્પોને પૂર્ણ કરવામાં આટલી મોટી ભૂમિકા નિભાવી રહ્યા છે.
ભારતમાં જે ગાડીઓ બની રહી છે તે જાપાનમાં એક્સપોર્ટ કરવામાં આવી રહી છે. આ ભારત અને જાપાનના સંબંધોની મજબૂતી છે. ભારતને લઈને ગ્લોબલ કંપનીઓના ભરોસાને પણ તમારી સામે પ્રસ્તુત કરે છે. મારૂતિ સુઝુકી જેવી કંપનીઓ ભારતની બ્રાન્ડ એમ્બેસેડર બની ચૂકી છે. મારુતિ ભારતની સૌથી મોટી કાર એક્સપોર્ટર છે. આજથી ઈવી એક્સપોર્ટને પણ તે જ સ્કેલ પર લઈ જવાન શરૂઆત થઈ રહી છે. દુનિયાના અનેક દેશોમાં ઈ વિહિકલ ચાલશે તેમાં લખ્યું હશે મેડ ઈન ઈન્ડિયા.
કેટલાક વર્ષો પહેલા ઈલેક્ટ્રીક વિહિકલ માત્ર એક નવા ઓલ્ટરનેટ તરીકે જાેવામાં આવતા હતાં. પણ મારુ માનવું છે કે તે અનેક સમસ્યાઓનું ઠોસ સમાધાન છે. મેં ગત વર્ષે સિંગાપુર મુલાકાત પહેલા કહ્યું હતું કે, અમે આપણી જુની ગાડીઓને હાઈબ્રિડ ઈવી માં બદલી શકીએ છીએ. મારુતિ સુઝુકીએ આ ચેલેન્જને સ્વીકારી અને માત્ર ૬ મહિનામાં એક વર્કિંગ પ્રોટોટાઈપ તૈયાર કર્યો. હાલમાં મે આ હાઈબ્રિડ એમ્બ્યુલન્સનો પ્રોટોટાઈપ જાેયો છે. ૧૧ હજાર કરોડની આ યોજનામાં ઈ એમ્બ્યુલન્સ માટે બજેટ નક્કી કર્યું છે. જેનાથી પ્રદૂષણ ઘટશે. ક્લીન એનર્જી અને ક્લીન મોબીલીટી આપણું ભવિષ્ય છે. આવા પ્રયાસોથી ભારત ઝડપથી ક્લીન એનર્જીની અને મોબીલીટીનું રીલાયેબલ સેન્ટર બનશે અમે રોકાણકારોની તકલીફોને દૂર કરી છે. જેથી તેમના માટે રોકણ કરવું સરળ બન્યું છે. જેના પરિણામો આપણી સામે છે. મોબાઈલ ફોન પ્રોડક્શન ૨૦૧૪ની તુલનામાં વધારો થયો છે. આજે ભારતના દરેક રાજ્યોનો પણ મોટીવેટ કરવામાં આવ્યાં છે. એક હેલ્ધી હરીફાઈ શરૂ થઈ છે તેનો લાભ દેશને મળી રહ્યો છે. હું તમામ રાજ્યોને કહેતો રહ્યો છું. આપણે પ્રોએક્ટીવ રહેવું પડશે અને પોલીસી બનાવવી પડશે. સિંગલ વિન્ડો ક્લિયરન્સ પર બળ આપવું પડશે. આ હરિફાઈનો જમાનો છે. જે રાજ્ય જેટલી ઝડપથી પોતાની પોલીસીને નીટ એન્ડ ક્લીન રાખે છે ત્યાં રોકાણકારોનો વિશ્વાસ વધે છે.