તળાજા: ગણેશ શાળા ટીમાણા દ્વારા ટ્રાફિક સપ્તાહની ઉજવણી કરવામાં આવી 

ગણેશ શાળા ટીમાણા દ્વારા ટ્રાફિક સપ્તાહની ઉજવણી કરવામાં આવી હતી જે અંતર્ગત તળાજા તાલુકાના P.I.  એ.બી. ગોહિલ , P.S.I.  શ્રી ચૌધરી  તથા પોલીસ કોન્સ્ટેબલ એસ.કે. કામળિયા,  રઘુભા રાયજાદા તથા પ્રાગજીભાઈ બારૈયા ઉપસ્થિત રહ્યા હતા. જેમણે બાળકોને ટ્રાફિકના નિયમોની માહિતી ઉપરાંત સાયબર ક્રાઇમ અને પોલીસને લગતા કાર્યોની માહિતી આપી હતી. આ ઉપરાંત બાળકો દ્વારા ટ્રાફિક ને લગતા પ્રશ્નો પૂછવામાં આવ્યા હતા. શાળાના આ કાર્યક્રમને દીપાવવા ઉપસ્થિત રહેલ મહેમાનશ્રીઓ દ્વારા પ્રશ્નોના ઉદાહરહ અને સ્પષ્ટીકરણ સાથેના ઉત્તરોએ બાળકોના જ્ઞાનમાં વધારો કર્યો હતો.

ગણેશ શાળા – ટીમાણાનાં ઉપપ્રમુખ અને જિલ્લા પંચાયત સદસ્ય શ્રી જીતુભાઈ પનોત દ્વારા પી. આઈ.  એ. બી. ગોહીલ સાહેબનું શાલ અને પુસ્તક દ્વારા સન્માન કરવામાં આવ્યા હતા. ગણેશ શાળા – ટીમાણાના આ કાર્યક્રમમાં ઊપસ્થિત સૌ મહેમાનોનો ગણેશ શાળા – ટીમાણા પરિવારે હૃદય પૂર્વક આભાર માન્યો હતો.