ચોગઠની ડુંગરમાળામાં થાપનાથ દાદા દ્વારા સ્થાપેલ થાપનાથ મહાદેવ

પ્રાકૃતિક વાતાવરણ વચ્ચે આવેલ તીર્થ સ્થાન છે થાપનાથ મહાદેવ. ચોગઠની ડુંગરમાળામાં થાપનાથ દાદા દ્વારા સ્થાપેલ થાપનાથ મહાદેવ ભાવિકોનું આસ્થા સ્થાન રહ્યું છે.

ગોહિલવાડમાં નદી, પર્વત કે સમુદ્ર … વગેરે ક્ષેત્રમાં ઐતિહાસિક શિવાલયો રહેલાં છે અને ભાવિક ભક્તો માટે દર્શનીય છે. થાપનાથ મહાદેવ પણ સુંદર પ્રાકૃતિક વાતાવરણ વચ્ચે રહેલ છે.

ચોગઠ વિસ્તારમાં દાદાના સ્થાન તરીકે આ મહાદેવનું સ્થાન કથા ધરાવે છે. વર્ષો પહેલાં એક પરિવારનાં વડીલ એટલે પૂર્વજ થાપનાથ દાદા હતા, આ દાદાનાં વંશજો આજે પણ છે. આ મંદિરમાં શિવલિંગ સાથે જ પાછળ આ દાદા બિરાજમાન છે. અહીંયા વાવ પણ નિર્માણ કરાયેલ છે. આ સાથે જ અન્ય દેવસ્થાનો પણ અહીંયા રહેલ છે.

ચોગઠની ડુંગરમાળામાં પ્રાકૃતિક વાતાવરણ વચ્ચે આ થાપનાથ દાદા દ્વારા સ્થાપેલ તે થાપનાથ મહાદેવ ભાવિકોનું આસ્થા સ્થાન રહ્યું છે. શ્રાવણ માસ તેમજ અન્ય વાર તહેવાર પ્રસંગોમાં આ શિવ સ્થાનમાં ભાવિક ભક્તો પૂજન દર્શન અને થાળ લાભ લેતાં રહે છે.