મહારાષ્ટ્રની દેવેન્દ્ર ફડણવીસ સરકારે સરકારી અને અર્ધ-સરકારી કચેરીઓમાં મરાઠી બોલવાનું ફરજિયાત કરી દીધું; જીઆર જારી કરવામાં આવ્યું

જાે કોઇ અધિકારી-કર્મચારી સરકારી ભાષા નહી બોલે તો સસ્પેન્ડ પણ થઇ શકે; કિબોર્ડમાં પણ મરાઠી મુળાક્ષરો ફરજીયાત પણે રાખવા પડશે નહી તો થશે કાર્યવાહીમુખ્યમંત્રી દેવેન્દ્ર ફડણવીસના નેજા હેઠળની મહારાષ્ટ્ર સરકાર દ્વારા સરકારી અને અર્ધ-સરકારી કચેરીઓમાં મરાઠી બોલવાનું ફરજિયાત બનાવ્યું છે. આ સંદર્ભમાં એક સરકારી દરખાસ્ત (સૂચના) જારી કરી છે. તેમાં જણાવાયું છે કે, સ્થાનિક સ્વરાજ્ય, સરકારી નિગમો અને સરકારી સહાયિત સંસ્થાઓમાં મરાઠી બોલવું ફરજિયાત છે. સૂચનામાં ચેતવણી આપવામાં આવી છે કે ભૂલ કરનાર અધિકારીઓની સામે શિસ્તભંગના કડક પગલા લેવાશે.

નોટિફિકેશનમાં કહેવામાં આવ્યું છે કે, તમામ નવા વ્યવસાયોએ પોતાનું નામ મરાઠીમાં નોંધાવવું પડશે. આ નીતિનો ઉદ્દેશ રાજ્યના વહીવટ અને જાહેર જીવનમાં મરાઠી ભાષાના ઉપયોગને પ્રોત્સાહન આપવાનો છે. તેમજ ઓફિસોની અંદરની સૂચનાઓ પણ મરાઠી ભાષામાં હોવી જાેઈએ. તેમાં કહેવામાં આવ્યું છે કે, જે સરકારી કર્મચારીઓ આનું પાલન નહીં કરે તેમને શિસ્તભંગના પગલાંનો સામનો કરવો પડશે. પાલન ન કરવાની ફરિયાદ ઓફિસ વડા અથવા વિભાગ વડાને કરી શકાય છે, જે તપાસ કરશે અને જરૂર પડ્યે પગલાં લેશે.

મહારાષ્ટ્ર સરકાર દ્વારા જારી કરાયેલા નોટિફિકેશનમાં કહેવામાં આવ્યું છે કે સરકારી કચેરીઓમાં આવતા મુલાકાતીઓ માટે મરાઠીમાં વાતચીત કરવી ફરજિયાત રહેશે. જાેકે, જે લોકો આ ભાષા બોલતા નથી, વિદેશી છે અથવા મહારાષ્ટ્રની બહારના બિન-મરાઠી ભાષીઓ છે તેમને આમાંથી મુક્તિ આપવામાં આવશે.

ગયા વર્ષે મંજૂર કરાયેલી મરાઠી ભાષા નીતિમાં ભાષાના સંરક્ષણ, સંવર્ધન, પ્રચાર અને વિકાસ માટે લેવામાં આવેલા પગલાંને આગળ વધારવા માટે તમામ જાહેર બાબતોમાં મરાઠીનો ઉપયોગ કરવાની ભલામણ કરવામાં આવી હતી. તેમાં કહેવામાં આવ્યું છે કે તમામ ઓફિસોમાં પીસી (પર્સનલ કમ્પ્યુટર) કીબોર્ડ પર રોમન મૂળાક્ષરો ઉપરાંત, મરાઠી દેવનાગરી મૂળાક્ષરો પણ હોવા જાેઈએ.