ભાવનગર જિલ્લાના ખૂટતી સ્ટેમ્પ ડયુટી લેવા પાત્ર હોય તેવા પક્ષકારોને તાત્કાલિક રકમ ભરપાઈ કરવાની રહેશે

ગુજરાત સ્ટેમ્પ અધિનિયમ-૧૯૫૮ ની કલમ-૩૨(ક) અને ૫૩(૧) ની જોગવાઈઓ અનુસાર ખૂટતી સ્ટેમ્પ ડયુટી વસુલ કરવા સંબધિત પ્રાંત કચેરી તેમજ નાયબ કલેકટર, સ્ટેમ્પ ડયુટી, ભાવનગરની કચેરી દ્વારા હુકમો કરવામાં આવેલ છે સમયમર્યાદામાં ખૂટતી સ્ટેમ્પ ડયુટી ભરપાઈ ન થતાં જમીન મહેસુલની બાકી તરીકે વસુલ કરવા કાર્યવાહી હાથ ધરવામાં આવે છે. ભાવનગર જિલ્લાના આવા એક લાખથી વધુ ખૂટતી સ્ટેમ્પ ડયુટી લેવા પાત્ર હોય તેવા ભાવનગરના-૩૦, સિહોરના-૧૩ તળાજાના-૧, પાલિતાણાના -૩ અને મહુવાના-૨ થઈ કુલ-૪૯ પક્ષકારોને બાકી રકમ રૂ. ૧,૪૫,૬૪,૫૬૮/- વસુલ કરવા જમીન મહેસુલ કાયદા હેઠળ નોટીસો આપવામાં આવેલ છે તેમ છતાં તેઓએ રકમ ભરવા દરકાર કરેલ નથી. જેથી આવા પક્ષકારોએ ખૂટતી સ્ટેમ્પ ડયુટી + વ્યાજ + સરચાર્જ મળી જે રકમ નકકી થાય તે તાત્કાલિક ભરપાઈ કરવા જણાવવામાં આવેલ છે અન્યથા જમીન મહેસુલ સંહિતા-૧૮૭૯ ની કલ૫-૧૫૪/૧૫૫ મુજબ સ્થાવર જંગમ મિલકતની જાહેર હરાજી કરી સરકારશ્રીની બાકી રકમ વસુલ કરવાની નોટીસ પક્ષકારોને આપવામાં આવશે એમ નાયબ કલેકટરશ્રી સ્ટેમ્પ ડયુટી મુલ્યાંકન તંત્ર ભાવનગર ની અખબારી યાદીમાં જણાવેલ છે.