તા.૨૩ જુલાઇએ વડીયા તાલુકા સ્વાગત ફરિયાદ નિવારણકાર્યક્રમ યોજાશે : તા.૧૫ જુલાઇ સુધીમાં પ્રશ્નો રજૂ કરવા

અમરેલી, તા.૧૦ જુલાઇ, ૨૦૨૫ (ગુરુવાર) વડીયા તાલુકાનો સ્વાગત ફરિયાદ નિવારણ કાર્યક્રમ તા.૨૩ જુલાઇ, ૨૦૨૫ને બુધવારના રોજ સવારે ૧૧ કલાકે વડીયા તાલુકા મામલતદાર કચેરી ખાતે યોજાશે.

તાલુકા કક્ષાના અધિકારવાળા સરકારી બાકી કામો માટે અરજદાર અંગત પ્રશ્નો રજૂ કરવા માંગતા હોય, તે નાગરિકોએ સામૂહિક કે નીતિ વિષયક પ્રશ્નો સિવાયના પ્રશ્નોની અરજી તા.૧૫ જુલાઇ, ૨૦૨૫ને મંગળવારના રોજ બપોરે ૦૩ કલાક સુધીમાં વડીયા તાલુકા મામલતદાર કચેરી ખાતે રુબરુ અથવા પોસ્ટ મારફતે મોકલવી.

અરજીના મથાળે “તાલુકા સ્વાગત ફરિયાદ નિવારણ કાર્યક્રમ” અવશ્ય લખવું, તેમ વડીયા તાલુકા મામલતદારશ્રીએ એક યાદીમાં જણાવ્યું છે.