ભારતમાં છેલ્લે ક્યારે મહિલાને આપવામાં આવી હતી ફાંસીની સજા.. જાણો

ભારતમાં કાયદાકીય પ્રણાલી હેઠળ, માત્ર કોર્ટ જ ગુનેગારને સજા કરી શકે છે. કોર્ટ સિવાય અન્ય કોઈ વહીવટીતંત્ર કોઈ વ્યક્તિને સજા કરી શકે નહીં. ભારત સહિત કોઈપણ દેશમાં ગુનેગારને ફાંસીની સજા આપવી એ સૌથી મોટી સજા માનવામાં આવે છે. જેને મૃત્યુદંડ પણ કહેવામાં આવે છે.પરંતુ શું તમે જાણો છો કે ભારતમાં અત્યાર સુધીમાં કેટલી મહિલાઓને ફાંસીની સજા મળી છે? આજે અમે તમને જણાવીશું કે કયા ગુના માટે કોર્ટે મહિલાઓને ફાંસીની સજા સંભળાવી છે. તમને જણાવી દઈએ કે સ્વતંત્ર ભારતમાં વર્ષ ૧૯૫૫માં રતનબાઈને ફાંસી આપવામાં આવી હતી.

રતનબાઈને ત્રણ છોકરીઓની હત્યા માટે આ સજા આપવામાં આવી હતી. રતનબાઈએ તેના પતિ સાથે અનૈતિક સંબંધો હોવાની શંકાએ ત્રણેય યુવતીઓની હત્યા કરી નાખી હતી. જે બાદ કોર્ટના આદેશ પર જાન્યુઆરી ૧૯૫૫માં તેમને ફાંસીની સજા સંભળાવવામાં આવી હતી. આ સિવાય ૨૦૦૮માં શબનમ બીજી મહિલા હતી જેને ફાંસીની સજા આપવામાં આવી હતી. શબનમને ૨૦૦૮માં તેના પરિવારના સાત સભ્યોની હત્યા માટે દોષિત ઠેરવવામાં આવી હતી. મળતી માહિતી મુજબ શબનમે તેના પ્રેમી સાથે મળીને આ હત્યા કરી હતી. તે સમયે રાષ્ટ્રપતિએ તેની દયા અરજી પણ ફગાવી દીધી હતી. તમને જણાવી દઈએ કે સ્વતંત્ર ભારતમાં અત્યાર સુધી માત્ર બે મહિલાઓને જ ફાંસીની સજા આપવામાં આવી છે. હવે કેરળના તિરુવનંતપુરમ જિલ્લાની નેયતિંકારા કોર્ટે ૨૪ વર્ષીય મહિલા ગ્રીશ્માને તેના પ્રેમી શેરોન રાજની હત્યા માટે દોષિત જાહેર કર્યા પછી મૃત્યુદંડની સજા ફટકારી છે.