યે જવાની હૈ દીવાનીએ પહેલા જ દિવસે બોક્સ ઓફિસ પર ધમાલ મચાવી દીધી

રણબીર કપૂર અને દીપિકા પાદુકોણની જાેડી ચાહકોને ઘણી પસંદ છે. ચાહકોને પણ તેમની ઓનસ્ક્રીન કેમેસ્ટ્રી ગમે છે. તાજેતરના સમયમાં ઘણી જૂની ફિલ્મો ફરીથી મોટા પડદા પર રજૂ કરવામાં આવી છે. આવી સ્થિતિમાં ૧૧ વર્ષ બાદ ફરી એકવાર રણબીર કપૂર અને દીપિકા પાદુકોણની બ્લોકબસ્ટર ફિલ્મ ‘યે જવાની હૈ દીવાની’ પણ સિનેમાઘરોમાં પરત આવી છે. આ ફિલ્મે તેની રી-રિલીઝ દરમિયાન એડવાન્સ બુકિંગમાં હજારો ટિકિટો વેચી છે. જ્યારે ‘યે જવાની હૈ દીવાની’એ પહેલા દિવસે જ સુંદર કમાણી કરીને નિર્માતાઓને ખુશ કરી દીધા છે. ‘યે જવાની હૈ દીવાની’ વર્ષ ૨૦૧૩માં પહેલીવાર સિનેમાઘરોમાં રિલીઝ થઈ હતી. આ ફિલ્મ રણબીરના નજીકના મિત્ર અને નિર્દેશક અયાન મુખર્જીએ ડિરેક્ટ કરી હતી. ૧૧ વર્ષ પહેલા પણ આ ફિલ્મે દર્શકોના દિલ જીતી લીધા હતા.

નૈના અને બન્નીની વાર્તા લોકોના દિલને સ્પર્શી ગઈ હતી. ફિલ્મની સ્ટોરીથી લઈને તેના ગીતો સુધી બધાને ખૂબ જ પસંદ આવ્યા. લેટેસ્ટ રિપોર્ટ અનુસાર, ‘યે જવાની હૈ દીવાની’ રિ-રિલિઝ પહેલા ૬૫ હજાર એડવાન્સ ટિકિટ વેચી ચૂકી છે. ‘યે જવાની હૈ દીવાની’એ રી-રિલિઝના પહેલા દિવસે ૧.૨૦ કરોડ રૂપિયાનો બિઝનેસ કર્યો છે. આ આંકડાઓ ખૂબ પ્રભાવશાળી માનવામાં આવે છે. ફરી રિલીઝ થયેલી તમામ ફિલ્મોની સરખામણીમાં રણબીર કપૂર અને દીપિકા પાદુકોણની ફિલ્મે પહેલા દિવસે સૌથી વધુ કમાણી કરી છે. તેને શાનદાર ઓપનિંગ માનવામાં આવી રહ્યું છે. આવી સ્થિતિમાં, આશા છે કે ‘યે જવાની હૈ દીવાની’ સપ્તાહના અંત સુધીમાં સારું કલેક્શન કરશે. જ્યારે ‘યે જવાની હૈ દીવાની’ ૨૦૧૩માં રિલીઝ થઈ ત્યારે ભારતમાં બોક્સ ઓફિસ પર તેનું નેટ કલેક્શન રૂ. ૧૮૮.૫૭ કરોડ હતું. ત્યારે દીપિકા-રણબીરની આ ફિલ્મ બ્લોકબસ્ટર સાબિત થઈ હતી. હવે ફરીથી રિલીઝ થયા બાદ એવી પણ આશા રાખવામાં આવી રહી છે કે જાે ફિલ્મ આ રીતે જ કમાણી કરતી રહેશે તો ‘યે જવાની હૈ દીવાની’ પણ ૨૦૦ કરોડના ક્લબમાં સામેલ થઈ શકે છે. તમને જણાવી દઈએ કે, આ ફિલ્મ પણ વર્ષ ૨૦૨૪ માં ક્યારેક રિલીઝ થઈ હતી. ત્યારે આ ફિલ્મે ૭૫ લાખ રૂપિયાનું નેટ કલેક્શન કર્યું હતું.