અમરેલી જિલ્લામાં ભારે વરસાદથી અસરગ્રસ્ત રસ્તાનું મરામત કાર્ય પૂરજોશમાં

અમરેલી જિલ્લામાં ભારે વરસાદથી અસરગ્રસ્ત બનેલા સસ્તાનું મરામત કાર્ય તંત્ર દ્વારા પૂરજોશમાં શરુ છે. જિલ્લાના ચાવંડ-લાઠી, બાબરા – ખંભાળા અને બાબરા-વાસાવડને જોડતા માર્ગનું મેટલિંગથી પેચવર્ક કરવામાં આવી રહ્યું છે, જે કામગીરી પૂર્ણતાને આરે છે. આ ઉપરાંત ખંભાળા- કોટડા પીઠા રોડ – થોરખાણ, લાઠી – દામનગર, ટોડા- ઝરખીયા – અડતાળા – ખીજડીયા – શેડુભાર રોડ, અને ઢસા-દામનગર-ગારિયાધાર રોડ પર પેચવર્કની કામગીરી ગણતરીના દિવસોમાં પૂર્ણ કરવામાં આવશે. આમ, અમરેલી જિલ્લાના માર્ગ અને મકાન વિભાગ, રાજ્ય અને પંચાયત દ્વારા માર્ગોના મરામત માટે ઝડપભેર કામગીરી કરવામાં આવી રહી છે.