અનુબંધમ વેબપોર્ટલના માધ્યમથી તા.૨૭ નવેમ્બરે રોજગાર ભરતી મેળો યોજાશે

અમરેલી જિલ્લા રોજગાર વિનિમય કચેરી દ્વારા અનુબંધમ વેબપોર્ટલના માધ્યમથી તા.૨૭ નવેમ્બર,૨૦૨૪ ને બુધવારના રોજ રોજગાર ભરતીમેળાનું આયોજન કરવામાં આવ્યું છે. અમરેલી જિલ્લાના એકમો માટે ખાલી છે તેવી વિવિધ જગ્યાઓ માટે ૧૮ થી ૩૫ વર્ષની વયમર્યાદા, ધો.૦૭ થી ધો.૧૨ પાસ તેમજ સ્નાતકની શૈક્ષણિક લાયકાત ધરાવતા રોજગાર ઇચ્છુકોએ અમરેલી ઔદ્યોગિક તાલીમ સંસ્થા (આઈ.ટી.આઈ કેમ્પસ) ખાતે તા.૨૭મીએ સવારે ૧૧ વાગ્યે ઉપસ્થિત રહેવું. ભારતીમેળામાં ભાગ લેવા માટે અનુબંધમ વેબપોર્ટલના માધ્યમથી રજિસ્ટ્રેશન લીંક https://anubandham.gujarat.gov.in/account/signup પર નોંધણી થયા બાદ પોર્ટલ પર login કરી પોર્ટલ જોબફેરના મેનુમાં ક્લીક કરી જરુરી વિગત ભર્યા બાદ જોબફેરમાં ભાગ લઈ શકાશે. ભરતીમેળામાં ભાગ લેવા માટે આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે જોબસીકર તરીકે નોંધાણી કરાવવી ફરજિયાત છે. આ અંગેની વધુ વિગતો અને માર્ગદર્શન માટે અમરેલી જિલ્લા રોજગાર વિનિમય કચેરીનો સંપર્ક કરવો, તેમ અમરેલી જિલ્લા રોજગાર અધિકારીશ્રીએ એક યાદીમાં જણાવ્યું છે.