અમદાવાદમાં કાગડાપીઠમાં એક યુવકને વાહન અડી જતાં યુવકને ચાકુના ઘા માર્યા

કોટ વિસ્તારમાં અસામાજિક તત્વો માથુ ઉચકીને નિર્દોષ લોકો ઉપર હુમલા કરી રહ્યા છે. કાગડાપીઠ વિસ્તારમાં બે યુવકો વાહન લઇને બીઆરીટીએસ બસ સ્ટેન્ડ પાસેથી પસાર થતાં હતા ત્યારે એક યુવકને વાહન અડી જતાં તેણે ગોળી બોલીને તકરાર કરી હતી એટલું જ નહી યુવકને માર મારીને ચાકુના ઘા માર્યા હતા. આ બનાવ અંગે કાગડાપીઠ પોલીસે ગુનો નોંધી વધુ તપાસ હાથ ધરી છે.

દરિયાપુરમાં રહેતા યુવકે કાગડાપપીઠ પોલીસ સ્ટેશનમાં ત્રણ અજાણ્યા શખ્સો સામે ફરિયાદ નોંધાવી છે કે યુવક તેના મિત્ર સાથે ગઇકાલે રાતે શાહ આલમથી રાતે ૧૧ વાગે કાગડાપીઠ વિસ્તારમાં મંગળ પાર્ક બીઆરટીએસ બસ સ્ટેન્ડ પાસેથી પસાર થતાં હતા ત્યારે એક યુવક ચાલતો જતો હતો યુવકે હોર્ન બગાડયું હતું તેમ છતાં તેણે હાથ ઉંચો કરતાં તેને કોણીના ભાગે અડી ગયું હતું. જેથી યુવકે તકરાર કરીને ગાળો બોલીને ફરિયાદી યુવકના મિત્રને ધક્કો માર્યો હતો જેથી ધક્કો કેમ માર્યો તેમ કહેતા તેણે બુમો પાડીને બીજા શખ્સોને બોેલાવ્યા હતા અને યુવક તેથા તેના મિત્રને માર મારીને ફરિયાદી યુવકે ચાકુના ઘા માર્યા હતા આ સમયે યુવક અને તેનો મિત્ર રેલિંગ કૂદીને નાસી ગયા હતા ગંભીર રીતે ઘાયલ યુવકને સારવાર માટે હાસ્પિટલમાં દાખલ કરવામાં આવ્યો હતો. આ બનાવ અંગે કાગડાપીઠ પોલીસે ગુનો નોંધી વધુ તપાસ હાથ ધરી છે.