આતંકવાદીઓની ઘૂસણખોરી રોકવામાં નિષ્ફળ રહેલા વરિષ્ઠ અધિકારીઓ પર કાર્યવાહી થઇ

જમ્મુ-કાશ્મીરમાં આતંકવાદીઓની ઘૂસણખોરી રોકવામાં નિષ્ફળ રહેવા બદલ બે અધિકારીઓને સજા કરવામાં આવી જમ્મુ-કાશ્મીરમાં છેલ્લા ઘણા સમયથી આતંકવાદીઓની ઘૂસણખોરીના સમાચાર સામે આવતા રહે છે. જાે કે આ મામલે બે વરિષ્ઠ અધિકારીઓ પર કાર્યવાહી કરવામાં આવી છે. મ્જીહ્લના ડીજી (નીતિન અગ્રવાલ) અને સ્પેશિયલ ડીજી (વાયબી ખુરાનિયા)ને હટાવવામાં આવ્યા છે. જમ્મુ-કાશ્મીરમાં આતંકવાદીઓની ઘૂસણખોરી રોકવામાં નિષ્ફળ રહેવા બદલ ભારત સરકારની આ સૌથી મોટી વહીવટી કાર્યવાહી છે, જેના કારણે આ બંને અધિકારીઓને સજા કરવામાં આવી છે. છેલ્લા એક વર્ષથી કેન્દ્રશાસિત પ્રદેશમાં આતંકવાદીઓની સતત ઘૂસણખોરી થઈ રહી છે.

સૂત્રોના જણાવ્યા અનુસાર, છેલ્લા એક મહિનામાં આ બંને અધિકારીઓએ પાકિસ્તાનને અડીને આવેલી જમ્મુ-કાશ્મીર આંતરરાષ્ટ્રીય સરહદ અને નિયંત્રણ રેખાની મુલાકાત લીધી હતી અને ઘણી મહત્વપૂર્ણ બેઠકોમાં પણ ભાગ લીધો હતો. આ સિવાય પંજાબ સેક્ટરમાંથી સતત આતંકવાદી ઘૂસણખોરીને અસરકારક રીતે નિયંત્રિત ન કરી શકવું એ પણ આ સૌથી મોટી કાર્યવાહીનું મુખ્ય કારણ છે.

છેલ્લા ઘણા વર્ષોમાં આ પ્રથમ વખત છે જ્યારે કોઈ અર્ધલશ્કરી દળોનું નેતૃત્વ કરી રહેલા બે વરિષ્ઠ અધિકારીઓને આ રીતે હટાવવામાં આવ્યા છે. મળતી માહિતી મુજબ જમ્મુ-કાશ્મીરમાં ટૂંક સમયમાં નવા અધિકારીઓની નિમણૂક કરવામાં આવશે. આતંકવાદીઓ કેન્દ્રશાસિત પ્રદેશમાં તેમની નાપાક ગતિવિધિઓથી બિલકુલ પીછેહઠ કરી રહ્યા નથી. આતંકવાદીઓને ખતમ કરવા માટે સતત ઓપરેશન ચલાવવામાં આવી રહ્યા છે. કેન્દ્રશાસિત પ્રદેશમાં છેલ્લા એક વર્ષમાં ઘણી મોટી આતંકવાદી ઘટનાઓ બની છે.

સુરક્ષા દળોએ ઘણા આતંકવાદીઓને ઠાર કર્યા છે જ્યારે એન્કાઉન્ટરમાં ઘણા જવાનો પણ શહીદ થયા છે. ગયા મહિને દેશવિરોધી પ્રવૃત્તિઓમાં સામેલ લોકો સામે મોટી કાર્યવાહી કરવામાં આવી હતી. દેશ વિરુદ્ધ કાવતરું ઘડનારા અને આતંકવાદીઓને મદદ કરનારા ચાર કર્મચારીઓને બરતરફ કરવામાં આવ્યા હતા. જેમાંથી બે કોન્સ્ટેબલ છે, બે ગ્રામીણ વિકાસ અને પંચાયતી રાજ વિભાગના કર્મચારી છે અને એક શાળા શિક્ષણ વિભાગમાં જુનિયર આસિસ્ટન્ટ છે. ચારેય પર આતંકવાદી સંગઠનો સાથે સંબંધ હોવાનો આરોપ હતો. આતંકવાદ સામે ઝીરો ટોલરન્સની નીતિથી આવા ૫૦થી વધુ કર્મચારીઓની નોકરીઓ સમાપ્ત કરવામાં આવી છે. આ તમામ લોકો પર આતંકવાદી સંગઠનો અને પાકિસ્તાનની ૈંજીૈં માટે કામ કરવાનો આરોપ હતો.