એશિયા-પેસિફિક કોન્ફરન્સમાં પીએમ મોદી અને જર્મન ચાન્સેલરનું સંબોધન

વડાપ્રધાન મોદી અને જર્મન ચાન્સેલર ઓલાફ સ્કોલ્ઝે જર્મન બિઝનેસની ૧૮મી એશિયા પેસિફિક કોન્ફરન્સમાં હાજરી આપી
વડાપ્રધાન નરેન્દ્ર મોદીએ જર્મન બિઝનેસ ૨૦૨૪ની ૧૮મી એશિયા-પેસિફિક કોન્ફરન્સને સંબોધિત કરી હતી. તેમણે જર્મન ચાન્સેલર ઓલાફ સ્કોલ્ઝની ભારત મુલાકાત પર ખુશી વ્યક્ત કરી હતી. પીએમએ કહ્યું કે આ ખૂબ જ ખાસ દિવસ છે કારણ કે મારા મિત્ર ઓલાફ સ્કોલ્ઝ ચોથી વખત ભારતની મુલાકાતે છે. તેમણે કહ્યું કે જર્મન ચાન્સેલરની મુલાકાત ભારત-જર્મની સંબંધો પર તેમનું ધ્યાન દર્શાવે છે. ૧૨ વર્ષ પછી, ભારત જર્મન બિઝનેસની એશિયા-પેસિફિક કોન્ફરન્સનું આયોજન કરી રહ્યું છે. પીએમએ કહ્યું કે એક તરફ સીઈઓ ફોરમની બેઠક ચાલી રહી છે અને બીજી તરફ બંને દેશોની નૌકાદળ દાવપેચ ચલાવી રહી છે, આ દર્શાવે છે કે ભારત અને જર્મની વચ્ચેના સંબંધો દરેક સ્તરે મજબૂત થઈ રહ્યા છે.

પીએમ મોદીએ કહ્યું કે ભારત-જર્મની વ્યૂહાત્મક ભાગીદારીનું આ ૨૫મું વર્ષ છે અને હવે અમે આવનારા ૨૫ વર્ષમાં આ ભાગીદારીને નવી ઊંચાઈઓ પર લઈ જવાના છીએ. ઁસ્ એ કહ્યું કે ભારત અને જર્મની વચ્ચેની મિત્રતા દરેક વળાંક અને મોરચે ગાઢ બની રહી છે, અમે આવનારા ૨૫ વર્ષમાં વિકસિત ભારત માટે રોડ મેપ બનાવ્યો છે, જેના હેઠળ અમે વિશ્વના શક્તિશાળી લોકશાહી દેશો સાથે મળીને કામ કરી રહ્યા છીએ. પીએમ મોદીએ કહ્યું કે જર્મનીએ ભારતમાં જે વિશ્વાસ દર્શાવ્યો છે તે અદ્ભુત છે. ભારત અને જર્મની વચ્ચેનો દ્વિપક્ષીય વેપાર ૩૦ અબજ ડૉલરથી વધુ થઈ ગયો છે, જે બંને દેશો વચ્ચેના મજબૂત દ્વિપક્ષીય સંબંધો દર્શાવે છે.

જર્મન ચાન્સેલર ઓલાફ સ્કોલ્ઝે પણ આ કાર્યક્રમમાં સંબોધન કર્યું હતું અને કહ્યું હતું કે આર્થિક સફળતા માટે સાચી, અસલી અને સર્વસમાવેશક લોકશાહીની જરૂર છે. આજે આપણે વિશ્વના સૌથી મોટા લોકતંત્રને મળી રહ્યા છીએ જે વિશ્વની સૌથી ઝડપથી વિકસતી અર્થવ્યવસ્થાઓમાંની એક છે. તેમણે કહ્યું કે ભારત એ વિશ્વની મુખ્ય અર્થવ્યવસ્થાઓમાં સૌથી ઝડપથી વિસ્તરતું રિન્યુએબલ એનર્જી સેક્ટર છે, જે વિશ્વના સૌથી ગતિશીલ ક્ષેત્ર – એશિયા પેસિફિકના મધ્યમાં સ્થિત દેશ છે. આવી સ્થિતિમાં એશિયા-પેસિફિક કોન્ફરન્સનું યોગ્ય સમયે યોગ્ય સ્થળે આયોજન કરવામાં આવી રહ્યું છે.