ઓનલાઈ પરિક્ષામાં વિદ્યાર્થીઓ ૩૦ મીનીટ સુધી હેરાન થયા

૧૬મીને એલએલબી સેમેસ્ટર ૩ની ઇન્ટરપ્રિટેશન ઓફ સ્ટેટ્યૂટ વિષયની ઓનલાઇન પરીક્ષા હતી. એમાં માત્ર ગુજરાતી મીડિયમનું જ પેપર આવ્યું હતું. જ્યારે અંગ્રેજી મીડિયમનું આવ્યું જ ન હતું. જેથી અમારે ફરિયાદ કરવી પડી હતી. જે પછી ૩૦ મિનિટ બાદ બેસાડી રાખ્યા હતા અને બાદમાં સોફ્ટવેરમાં પેપર અપલોડ કરી પરીક્ષા લેવાઈ હતી. એવી જ રીતે ૧૫મીને મંગળવારે એમકોમ સેમેસ્ટર ૧ની એટીકેટીની એફએમએ પેપર-૨ની પરીક્ષા હતી. જેમાં પણ માત્ર ગુજરાતી મીડિયમનું પેપર આવ્યું હતું અને અંગ્રેજી મીડિયમનું પેપર અપલોડ કરવાનું ભૂલી ગયા હતા. જેમાં પણ અડધો કલાક રાહ જાેવી પડી હતી.

પેપર અપલોડ થયા પછી પરીક્ષા આપી હતી. ઓનલાઇન પરીક્ષા મામલે યુનિવર્સિટીમાં ચોતરફ વિરોધ થઈ રહ્યા છે. પ્રોફેસરો, વિદ્યાર્થીઓ, એબીવીપી અને એનએસયુઆઇ જેવી વિદ્યાર્થી પાંખો તેમજ સિન્ડિકેટ અને સેનેટ સભ્યોએ ઓફલાઇન પરીક્ષાઓ યોજાય એવી માંગ કરી રહ્યા છે. પણ યુનિવર્સિટી દ્વારા કોઇ જ કાર્યવાહી થઈ રહી નથી.એલએલબીના ત્રીજા સેમેસ્ટરમાં અને એમકોમના પહેલા સેમેસ્ટરમાં નર્મદ યુનિવર્સિટીએ અંગ્રેજી મીડિયમનું પેપર અપલોડ કર્યા વિના જ ઓનલાઇન પરીક્ષા શરૂ કરતા વિદ્યાર્થીઓ અડધો કલાક પરેશાન થયા હતા. વિદ્યાર્થીઓએ ફરિયાદ કરી હતી કે, છેલ્લા ૩ દિવસથી ઓનલાઇન પરીક્ષા લેવાઈ રહી છે. જેમાં રોજે રોજ છબરડા થાય છે.