કન્યા ના શોધી આપી તો મેટ્રિમોની પોર્ટલને કોર્ટે ૬૦ હજારનો દંડ ફટકાર્યો

બેંગલુરુમાં કન્ઝ્‌યુમર કોર્ટે મેટ્રિમોની પોર્ટલ પર કન્યા ન શોધી આપવા બદલ ૬૦,૦૦૦ રૂપિયાનો દંડ ફટકાર્યો
ગલુરુમાં કન્ઝ્‌યુમર કોર્ટે મેટ્રિમોની પોર્ટલ પર કન્યા ન શોધી આપવા બદલ ૬૦,૦૦૦ રૂપિયાનો દંડ ફટકાર્યો છે. ગ્રાહક અદાલતે પોર્ટલને પીડિત ગ્રાહકને વળતર ચૂકવવાનો નિર્દેશ આપ્યો છે. કોર્ટે આ ર્નિણય ત્યારે આપ્યો જ્યારે ફરિયાદી પાસેથી ફી લીધા પછી તે નિર્ધારિત સમયમાં કન્યા શોધવાનું વચન આપવામાં નિષ્ફળ ગયો અને પછી ફી પરત કરવાનો પણ ઇનકાર કર્યો. તમને જણાવી દઈએ કે મેટ્રિમોની પોર્ટલનો મુખ્ય ઉદ્દેશ્ય એવા લોકોને જાેડવાનો છે જેઓ લગ્ન કરવા ઈચ્છે છે. આ પોર્ટલ સંભવિત લાઈફ પાર્ટનરને શોધવા માટે વિકલ્પો આપે છે અને લોકોને તેમની પસંદ અને જરૂરિયાતો અનુસાર મેચ શોધવામાં મદદ કરે છે. આ પોર્ટલ પર યુઝર્સ તેમની પ્રોફાઇલ બનાવે છે. જેમાં તેમની વ્યક્તિગત માહિતી, પસંદગીઓ, જાતિ, ધર્મ, શિક્ષણ, વ્યવસાય વગેરેની વિગતો હોય છે. આ માટે પોર્ટલ તેમના યુઝર્સ પાસેથી તગડી ફી પણ વસૂલે છે.

બેંગલુરુના એમએસ નગરમાં રહેતા વિજય કુમાર પોતાના પુત્ર માટે જીવનસાથીની શોધમાં હતા. આ સમય દરમિયાન તેને કલ્યાણ નગર સ્થિત દિલમિલ મેટ્રિમોનીની ઓફિસ વિશે જાણ થઈ અને તેમનો સંપર્ક કર્યો. પોર્ટલે તેમની પાસેથી ૩૦,૦૦૦ રૂપિયાની ફી માંગી અને તેમને મૌખિક ખાતરી આપી કે તેઓ ૪૫ દિવસમાં તેમના પુત્ર માટે કન્યા શોધી લેશે. આ પછી વિજય કુમારે તરત જ ફી અને તમામ જરૂરી ડોક્યુમેન્ટ મેટ્રિમોની પોર્ટલમાં જમા કરાવ્યા. વિજય કુમાર કહે છે કે, નિર્ધારિત સમય વીતી ગયા પછી પણ પોર્ટલે એક પણ યોગ્ય પ્રોફાઇલ આપી નથી. આ દરમિયાન તેણે ઘણી વખત પોર્ટલની મુલાકાત લીધી અને ઘણી વખત રાહ જાેવાનું કહેવામાં આવ્યું. આ હોવા છતાં પોર્ટલ તેમને સેવા પ્રદાન કરવામાં નિષ્ફળ રહ્યું.

આ પછી ૩૦ એપ્રિલના રોજ વિજય કુમાર ફરીથી પોર્ટલની ઓફિસમાં ગયા અને ચૂકવેલી ફી પરત કરવા કહ્યું. પરંતુ પોર્ટલે તેમને પૈસા પરત કરવાની ના પાડી હતી એટલું જ નહીં ઓફિસના કર્મચારીઓએ પણ તેમની સાથે ગેરવર્તન કર્યું હતું અને વાંધાજનક ભાષાનો ઉપયોગ કર્યો હતો. આ પછી ૯ મેના રોજ, વિજય કુમારે દિલમિલ મેટ્રિમોનીને કાનૂની નોટિસ મોકલી, પરંતુ પોર્ટલે તેનો જવાબ આપ્યો ન હતો. આખરે બેંગલુરુ ગ્રાહક અદાલતે સુનાવણી બાદ પોર્ટલને દોષિત ઠેરવ્યું હતું. ગ્રાહક અદાલતે તેના આદેશમાં જણાવ્યું હતું કે, પોર્ટલ ફરિયાદીને કોઈ યોગ્ય પ્રોફાઇલ આપતું કરતું નથી અને સેવામાં સ્પષ્ટ ઉણપ છે. કોર્ટે પોર્ટલને સેવાઓમાં ઉણપ માટે રૂપિયા ૨૦,૦૦૦, માનસિક યાતના માટે રૂપિયા ૫,૦૦૦ અને મુકદ્દમાના ખર્ચ માટે રૂપિયા ૫,૦૦૦ ચૂકવવા ઉપરાંત રૂપિયા ૩૦,૦૦૦ની ફી પરત કરવાનો નિર્દેશ આપ્યો હતો. આ રીતે કોર્ટે મેટ્રિમોની પોર્ટલ પર ૬૦ હજાર રૂપિયાનો દંડ ફટકાર્યો છે.