કાસીર પરિવાર સાથે ઈઝરાયેલની જૂની દુશ્મની

લેબનોનમાં ચાલી રહેલા ઈઝરાયેલ સૈન્ય ઓપરેશન દરમિયાન ૈંડ્ઢહ્લને મોટી સફળતા મળી છે. ઈઝરાયેલની સેનાએ સીરિયામાં હવાઈ હુમલામાં હિઝબુલ્લાના ચીફ હસન નસરાલ્લાહના જમાઈ હસન જાફર કાસિરને મારી નાખ્યો છે. હસન કાસિરના પરિવારને આતંકવાદનો રાજવી પરિવાર માનવામાં આવે છે. તેનો એક ભાઈ અહેમદ કાસિર હિઝબુલ્લાહનો પહેલો ‘શહીદ’ છે, જ્યારે બીજા ભાઈ મોહમ્મદ કાસિર પણ હથિયારોની ડિલિવરી બાબતે સંગઠનમાં મોટી ભૂમિકા ભજવી રહ્યા છે. હસન કાસિરના ભાઈ અહમદ કાસિરે ૧૯૮૨માં લેબનોન યુદ્ધ દરમિયાન આત્મઘાતી હુમલો કર્યો હતો. ૧૧ નવેમ્બર, ૧૯૮૨ના રોજ, અહેમદ વિસ્ફોટકોથી ભરેલી કાર સાથે લેબનોનના ટેયરમાં ઇઝરાયેલી બેઝમાં પ્રવેશ્યો.

લેબનોનના ઈતિહાસમાં આ પ્રથમ આત્મઘાતી બોમ્બ વિસ્ફોટ હતો. હકીકતમાં, ૧૯૮૨ માં, ઇઝરાયેલી સેનાએ લેબનોનમાં ‘ઓપરેશન પીસ ફોર ગેલિલી’ શરૂ કર્યું હતું. તેનો હેતુ લેબનોનમાં હાજર પેલેસ્ટિનિયન લડવૈયાઓને બહાર કાઢવાનો હતો. આ સમય દરમિયાન, ઇઝરાયેલની સેના બેરૂત પહોંચી, ત્યારબાદ પેલેસ્ટિનિયન મિલિશિયાના લડવૈયાઓ લેબનોન છોડી ગયા પરંતુ ઇઝરાયેલની સેના લેબનોનમાં રહી, જેના કારણે લેબનોનના લોકોમાં રોષ ફેલાયો. એવું માનવામાં આવે છે કે હિઝબુલ્લાહની સ્થાપના લેબનોનમાંથી ઇઝરાયેલી સેનાને ભગાડવા માટે કરવામાં આવી હતી. વધતા વિરોધ અને હુમલાઓને કારણે ૧૯૮૫માં ઇઝરાયેલી સેનાને લેબનોનથી પરત ફરવું પડ્યું હતું. તે જ સમયે, અહમદ કાસિરના આત્મઘાતી હુમલાને ઈરાનના સર્વોચ્ચ નેતા આયાતુલ્લાહ રૂહોલ્લાહ ખોમેનીએ ફતવા દ્વારા સુરક્ષિત કર્યું હતું. ત્યારથી, અહેમદ કાસિરને હિઝબુલ્લાના પ્રથમ ‘શહીદ’ ગણવામાં આવે છે અને હિઝબુલ્લાહ આ દિવસને ‘શહીદ દિવસ’ તરીકે ઉજવે છે.

અહેમદ હિઝબુલ્લાહના સ્થાપક ઈમાદ મુગનિયાના ખૂબ નજીક હતા. જ્યારે હસન કાસીર અને મોહમ્મદ કાસીર નાની ઉંમરથી જ હિઝબુલ્લામાં જાેડાયા હતા. મોહમ્મદ કાસિર સીરિયાથી ઈરાન સુધી હથિયાર પહોંચાડવામાં મોટી ભૂમિકા ભજવી રહ્યો છે. અમેરિકાએ મોહમ્મદ કાસીર પર ૧૦ મિલિયન ડોલરનું ઈનામ પણ રાખ્યું હતું. ૨૦૧૮માં યુએસ ટ્રેઝરી ડિપાર્ટમેન્ટે હસનના ભાઈ મોહમ્મદ કાસિરને વૈશ્વિક આતંકવાદી જાહેર કર્યો હતો. સ્કાય ન્યૂઝ અરેબિક અનુસાર, હસન જાફર કાસિર બુધવારે સીરિયાની રાજધાની દમાસ્કસ નજીક આવેલા મેજામાં એક હવાઈ હુમલામાં માર્યો ગયો હતો. જણાવવામાં આવી રહ્યું છે કે ઈઝરાયેલની સેનાએ એક રહેણાંક મકાનના એક એપાર્ટમેન્ટને નિશાન બનાવીને હુમલો કર્યો હતો, જેમાં હસન સહિત બે લોકોના મોત થયા છે.

હસન કાસિરની હત્યાને હિઝબોલ્લાહ માટે બીજાે ફટકો માનવામાં આવે છે, તે હિઝબોલ્લાના ચીફ હસન નસરાલ્લાહનો જમાઈ અને કાસિર પરિવારનો સભ્ય હતો. ઇઝરાયેલી સેના લેબનોનમાં ગ્રાઉન્ડ ઓપરેશન કરી રહી છે, આ દરમિયાન બુધવારે હિઝબુલ્લાહના હુમલામાં ૮ ઇઝરાયેલ સૈનિકો માર્યા ગયા હતા. હિઝબુલ્લાએ એવો પણ દાવો કર્યો હતો કે તેઓ દક્ષિણ લેબેનોનના મરુન અલ-રાસ ગામ તરફ આગળ વધતા ત્રણ ઇઝરાયેલી મેરકાવા ટેન્કનો નાશ કર્યો હતો. કહેવામાં આવી રહ્યું છે કે હિઝબુલ્લાહના આ હુમલાના થોડા કલાકો બાદ ઈઝરાયેલી સેનાએ મેજામાં હુમલો કરીને હસન કાસિરને ઠાર માર્યો હતો.