ચંદ્રમુખી ૨માં કંગનાનો ‘ફર્સ્ટ લૂક’ જારીઃ શાહી અંદાજ દેખાયો

કંગના રણૌત બોલિવૂડની ક્વીન છે. તે હંમેશા કોઇને કોઇ મુદ્દે પોતાનો અભિપ્રાય બિન્દાસ રીતે આપતી હોય છે. કંગના પોતાનાં નિવેદનોની જેમ પોતાની ફિલ્મો માટે પણ જાણીતી છે. છેલ્લાં ઘણાં સમયથી કંગના રણૌત ચંદ્રમુખી ૨ અંગે ચર્ચામાં છે. કેટલાંક સમય પહેલાં આ ફિલ્મના અભિનેતા રાઘવ લોરેન્સનો ફર્સ્ટ લુક જારી થયો હતો. ત્યારબાદ ફેન્સ કંગનાના લુકની પણ રાહ જાેઈ રહ્યા હતા. શનિવારે ચંદ્રમુખી ૨માં કંગનાનો ફર્સ્ટ લુક જાહેર કરવામાં આવ્યો હતો, જેમાં તે રાની તરીકે ખૂબસુરત દેખાઈ રહી છે. કંગનાનો લુક શેર કરતા મેકર્સે લખ્યું છે, સુંદરતા અને પોઝ, જે અનાયાસે અમારું ધ્યાન ખેંચે છે. રજૂ કરીએ છીએ ચંદ્રમુખીનાં રૂપમાં કંગનાનો ઇર્ષ્યા આવે તેવો, અસરકારક અને ભવ્ય પ્રથમ લુક. મેકર્સે અલગ અલગ ભાષામાં ફિલ્મનું પોસ્ટર જારી કર્યું છે, જેમાં કંગનાનો શાહી અંદાજ જાેવા મળી રહ્યો છે. સાથે સાથે મેકર્સે ફિલ્મનાં રિલીઝ અંગે જાહેરાત કરતાં લખ્યું છે કે, આ ફિલ્મ ગણેશ ચતુર્થીનાં રોજ રિલીઝ થશે. થોડાં સમય પહેલાં મેકર્સે ફિલ્મ ચંદ્રમુખીમાં કંગનાના લુકને ટીઝર તરીકે ઝલક શેર કરી હતી, જેમાં કંગનાની જૂની ફિલ્મોને લઇને અંતમાં ચંદ્રમુખી ૨માંથી તેની આંખોની ઝલક બતાવવામાં આવી હતી. ચંદ્રમુખી ૨ વર્ષ ૨૦૦૫માં પી વાસુ દ્વારા દિગ્દર્શિત ચંદ્રમુખીની સિક્વલ છે, જેમાં રજનીકાંત અને જ્યોતિકા મુખ્ય ભૂમિકામાં હતા.