જામનગરમાં પરમ પૂજ્ય વજ્રસેન મહારાજ સાહેબ કાળધર્મ પામ્યા

જામનગરમાં ઓસવાળ કોલોની દેરાસરમાં બિરાજમાન ૫.પૂ.પન્યાસ વજ્રસેન વિજયજી મહારાજ સાહેબ કાળધર્મ પામતા શ્રાવક અને શ્રવિકાઓ તેમજ સમગ્ર જૈન સમાજમાં ભારે શોકની લાગણી જાેવા મળી રહી છે. જામનગરમાં ગઈકાલે રાત્રીના ૧૦.૨૫ કલાકે નવકાર મહામંત્રનું સ્મરણ કરતા સમાધિપૂર્વક કાળધર્મ પામ્યા હતા.

પરમપૂજ્ય પ્રેમ-રામચંદ્રસૂરીશ્વરજી મહારાજાનાં શિષ્યરત્ન પરમપૂજ્ય પંન્યાસ શ્રી ભદ્રંકરવિજયજી ગણિનાં શિષ્ય પરમપૂજ્ય આચાર્યદેવ શ્રીમદ્‌ વિજય કુંદકુંદસૂરીશ્વરજી મહારાજનાં શિષ્યરત્ન પરમપૂજ્ય પંન્યાસપ્રવર શ્રી વજ્રસેનવિજયજી ગણિવર્યશ્રી કાળધર્મ પામ્યા. આ દુઃખદ સમાચાર વાયુવેગે ચોમેર પ્રસરી ગયા. મ.સા.કાળધર્મ પામવાથી સમગ્ર જૈન સમાજ હાલ ઘેરા શોકમાં ગરકાવ થઈ ગયો છે.