રાજ્યમાં આગામી તા.૧૭ સપ્ટેમ્બર, ૨૦૨૪ થી સેવા સેતુ કાર્યક્રમના ૧૦માં તબક્કાનો પ્રારંભ થશે, જે તા.૩૧ ઓક્ટોબર, ૨૦૨૪ સુધી કાર્યરત રહેશે. જેમાં ગ્રામ્ય વિસ્તારમાં તાલુકા દીઠ ૦૩ કાર્યક્રમ અને શહેરી વિસ્તારમાં પણ મહાનગરપાલિકા દીઠ ૦૨ તથા નગરપાલિકા દીઠ ૦૨ કાર્યક્રમોનું આયોજન થશે. સેવા સેતુના ૧૦માં તબક્કામાં વિશેષ એ છે કે, રાજય સરકારની વિવિધ ૫૫ સેવાઓનો ગ્રામ્ય અને શહેરી વિસ્તારના કાર્યક્રમોમાં સમાવેશ થયો છે, જે સેવાઓનો લાભ લાભાર્થીઓને સ્થળ પર મળશે. આ કાર્યક્રમના સુચારુ આયોજન માટે અમરેલી જિલ્લા સેવા સદન ખાતે જિલ્લા કલેક્ટરશ્રી અજય દહિયાના અધ્યક્ષ સ્થાને એક બેઠક સંપન્ન થઈ હતી.
સાંસદશ્રી અને જિલ્લા પંચાયત પ્રમુખ શ્રી ભરતભાઈ સુતરિયા, વિધાનસભા નાયબ મુખ્ય દંડકશ્રી કૌશિકભાઈ વેકરિયા, સાવરકુંડલા-લીલીયાના ધારાસભ્યશ્રી મહેશભાઈ કસવાલા, લાઠી-બાબરાના ધારાસભ્યશ્રી જનકભાઈ તળાવિયા, ધારી-બગસરાના ધારાસભ્ય શ્રી જે.વી. કાકડિયાની પ્રેરક ઉપસ્થિતિમાં યોજાયેલી બેઠકમાં જિલ્લા કલેક્ટરશ્રીએ કહ્યુ કે, સેવા સેતુ કાર્યક્રમના ૧૦માં તબક્કા અંતર્ગત અમરેલી જિલ્લાના તમામ તાલુકાઓમાં ૦૩ કાર્યક્રમ જ્યારે અમરેલી અને સાવરકુંડલા નગરપાલિકા વિસ્તારમાં ૦૨ કાર્યક્રમ અને અન્ય નગરપાલિકા વિસ્તારમાં ૦૧-૦૧ કાર્યક્રમ યોજાશે.આ પ્રસંગે જિલ્લા કલેક્ટરશ્રીએ ઉપસ્થિત મહાનુભાવોને આ કાર્યક્રમમાં સહભાગી થવા અને ગ્રામ્ય, તાલુકા અને નગરપાલિકા વિસ્તારમાં યોાજતા કાર્યક્રમોમાં વધુમાં વધુ નાગરિકોને રાજ્ય સરકારની સેવાઓનો લાભ લેવા માટે અપીલ છે.
બેઠકમાં સાંસદશ્રી અને જિલ્લા પંચાયત પ્રમુખ શ્રી ભરતભાઈ સુતરિયા, વિધાનસભા નાયબ મુખ્ય દંડકશ્રી કૌશિકભાઈ વેકરિયા, સાવરકુંડલા-લીલીયાના ધારાસભ્યશ્રી મહેશભાઈ કસવાલા, લાઠી-બાબરાના ધારાસભ્યશ્રી જનકભાઈ તળાવિયા, ધારી-બગસરાના ધારાસભ્ય શ્રી જે.વી. કાકડિયા, જિલ્લા વિકાસ અધિકારી શ્રી પરિમલ પંડ્યા, નિવાસી અધિક કલેક્ટર શ્રી દિલીપસિંહ ગોહિલ, અમરેલી પ્રાંત અધિકારીશ્રી નાકિયા, નાયબ પોલીસ અધિક્ષકશ્રી સહિતના અધિકારીશ્રીઓ અને કર્મયોગીશ્રીઓ ઉપસ્થિત રહ્યા હતા.
Recent Comments