ઝાંસી મેડિકલ કોલેજના બાળકોના વોર્ડમાં ભીષણ આગ લાગી, ૧૦ બાળકોના મોત

ઝાંસી મેડિકલ કોલેજમાં લાગેલી આગમાં અત્યાર સુધીમાં ૧૦ બાળકોના મોત થયા છે. જ્યારે ઉત્તર પ્રદેશના મુખ્યમંત્રી યોગી આદિત્યનાથ દુર્ઘટના બાદથી એક્ટિવ છે. ઘટનાની નોંધ લેતા સીએમ યોગીએ આરોગ્ય સચિવ સાથે નાયબ મુખ્યમંત્રી બ્રિજેશ પાઠકને ઝાંસી મોકલ્યા છે. આ સાથે તેમણે ઝાંસીના ડિવિઝનલ કમિશ્નર અને ડીઆઈજીને ૧૨ કલાકની અંદર ઘટના અંગે રિપોર્ટ આપવાનો નિર્દેશ આપ્યો છે. સીએમ યોગીએ આ ઘટના પર દુખ વ્યક્ત કર્યું છે. મુખ્યમંત્રી યોગી આદિત્યનાથે સોશિયલ મીડિયા પ્લેટફોર્મ પર લખ્યું જિલ્લા વહીવટીતંત્ર અને સંબંધિત અધિકારીઓને રાહત અને બચાવમાં ઝડપ લાવવા સૂચના આપવામાં આવી છે.

રાજ્યના નાયબ મુખ્ય પ્રધાન, આરોગ્ય અને તબીબી વિભાગની જવાબદારી સંભાળી રહેલા બ્રજેશ પાઠકે એક્સ પરની એક પોસ્ટમાં જણાવ્યું હતું કે, એનઆઈસીયુમાં આગના કમનસીબ અકસ્માતમાં કેટલાંક નવજાત શિશુઓના મૃત્યુ થયા છે. મહારાણી લક્ષ્મીબાઈ મેડિકલ કોલેજ, ઝાંસી અત્યંત દુઃખદ અને હૃદયદ્રાવક છે, (પાઠકે કહ્યું કે જિલ્લા વહીવટીતંત્ર અને સંબંધિત અધિકારીઓને યુદ્ધના ધોરણે રાહત અને બચાવ કામગીરી હાથ ધરવા સૂચના આપવામાં આવી છે. હું પણ અકસ્માત સ્થળે પહોંચી રહ્યો છું. ભગવાન શ્રી રામ પુણ્યઆત્માઓને શાંતિ આપે અને ઘાયલોને ઝડપથી સાજા કરે તેવી પ્રાર્થના છે.

વાસ્તવમાં શુક્રવારે મોડી રાત્રે ઝાંસીની મહારાણી લક્ષ્મીબાઈ મેડિકલ કોલેજના નિયોનેટલ ઈન્ટેન્સિવ કેર યુનિટ (જીદ્ગઝ્રેં વોર્ડ)માં ભીષણ આગ લાગી હતી. જેમાં ૧૦ નવજાત શિશુઓ સળગી જવાથી અને ગૂંગળામણને કારણે મૃત્યુ પામ્યા હતા. ચીફ મેડિકલ સુપરિન્ટેન્ડેન્ટ સચિન માહૌરે જણાવ્યું હતું કે ૫૪ બાળકોને એનઆઈસીયુ વોર્ડમાં દાખલ કરવામાં આવ્યા હતા, ઓક્સિજન કોન્સેન્ટ્રેટરની અંદર અચાનક આગ ફાટી નીકળી હતી. આગ ઓલવવાના પ્રયાસો કરવામાં આવ્યા હતા પરંતુ રૂમમાં ઓક્સિજન વધુ હોવાથી આગ ઝડપથી ફેલાઈ હતી. ઘણા બાળકો બચી ગયા. ૧૦ બાળકોના મોત થયા છે. ઘાયલ બાળકોની સારવાર ચાલી રહી છે. અકસ્માતની માહિતી મળતા જ ફાયર બ્રિગેડની ગાડીઓ ઘટના સ્થળે પહોંચી ગઈ હતી. સેનાને પણ બોલાવવામાં આવી છે.

સેના અને ફાયર બ્રિગેડની ગાડીઓ આગ ઓલવવામાં વ્યસ્ત છે. ૧૦ નવજાત શિશુઓના મોતથી હોસ્પિટલ પરિસરમાં અફરાતફરીનો માહોલ છે. પ્રત્યક્ષદર્શીઓએ જણાવ્યું કે, રાત્રે લગભગ ૧૧.૪૫ વાગ્યે જીદ્ગઝ્રેં વોર્ડમાંથી ધુમાડો નીકળતો જાેવા મળ્યો, ત્યારબાદ ત્યાં હાજર લોકોએ એલાર્મ લગાવ્યો. પરંતુ કોઇ કંઇ સમજે તે પહેલા આગની જ્વાળાઓ ફેલાવા લાગી હતી. થોડી જ વારમાં આગ સંપૂર્ણપણે વોર્ડને લપેટમાં લઈ લીધી હતી. અકસ્માત બાદ તરત જ નવજાતને બહાર કાઢવાના પ્રયાસો હાથ ધરાયા હતા. જાે કે દરવાજા પર ધુમાડો અને આગની જ્વાળાઓને કારણે નવજાત શિશુને બહાર કાઢી શકાયા ન હતા. જાેકે થોડા સમય બાદ ફાયર બ્રિગેડની ગાડીઓ આવી જતાં નવજાતને બહાર કાઢી શકાયું હતું. સમાચાર લખાય છે ત્યાં સુધી વોર્ડમાંથી ૧૦ નવજાત બાળકોના મૃતદેહ બહાર કાઢવામાં આવ્યા છે. હાલ બચાવ કામગીરી ચાલી રહી હતી.