નીતિશને આપેલી સલાહ પરJDUએ અખિલેશ પર વળતો પ્રહાર, પૂછ્યું- તમે જેપીના મૂલ્યો અપનાવ્યા

ઉત્તર પ્રદેશના પૂર્વ મુખ્યમંત્રી અખિલેશ યાદવના નિવેદન પર જનતા દળ (યુનાઈટેડ)એ વળતો પ્રહાર કર્યો છે. અખિલેશે બિહારના મુખ્યમંત્રી નીતિશ કુમારને રાષ્ટ્રીય લોકતાંત્રિક ગઠબંધન (દ્ગડ્ઢછ)થી અલગ થવાની સલાહ આપી હતી, ત્યારબાદ ત્નડ્ઢેંએ તેમના પર વળતો પ્રહાર કર્યો હતો. જેડીયુએ ભત્રીજાવાદના મુદ્દે અખિલેશ પર નિશાન સાધ્યું હતું. જેડીયુએ કહ્યું કે જાે અખિલેશે સમાજવાદી વિચારક જયપ્રકાશ નારાયણ દ્વારા અપનાવવામાં આવેલા જીવન મૂલ્યોમાંથી થોડું પણ અપનાવ્યું હોત તો સમાજવાદી પાર્ટીમાં એક પરિવારનું સંપૂર્ણ વર્ચસ્વ ન હોત. અગાઉ, અખિલેશ યાદવે સમાજવાદીઓ પર આરોપ લગાવ્યો હતો કે તેઓ લખનૌમાં જયપ્રકાશ નારાયણને તેમની જન્મજયંતિ પર શ્રદ્ધાંજલિ આપતા અટકાવે છે અને બિહારના મુખ્યમંત્રી નીતિશ કુમારને ભાજપમાંથી સમર્થન પાછું ખેંચવા વિનંતી કરી હતી.

હકીકતમાં ગુરુવારે રાત્રે અખિલેશ જ્યારે જયપ્રકાશ નારાયણ ઈન્ટરનેશનલ સેન્ટર જઈ રહ્યા હતા ત્યારે તેમને અંદર જતા અટકાવવામાં આવ્યા હતા. કહેવામાં આવી રહ્યું છે કે કેન્દ્રના પ્રવેશદ્વારને ટીન શીટથી બંધ કરી દેવામાં આવ્યો હતો. આ પછી અખિલેશે ભાજપની સાથે મુખ્યમંત્રી યોગી આદિત્યનાથની પણ આકરી ટીકા કરી હતી. તેમણે કહ્યું કે ઘણા સમાજવાદી લોકો છે જેઓ સરકારનો ભાગ છે અને દેશની વ્યવસ્થા ચલાવી રહ્યા છે. તેમણે વધુમાં કહ્યું કે બિહારના મુખ્યમંત્રી તેમાંથી એક છે, કારણ કે તેઓ સમયાંતરે જયપ્રકાશ નારાયણ વિશે વાત કરતા રહે છે. જાે નીતિશ ખરેખર જેપીના આંદોલનમાંથી બહાર આવ્યા હોય તો તેમણે સરકારને આપેલું સમર્થન પાછું ખેંચી લેવું જાેઈએ. કારણ કે આ સરકાર સમાજવાદીઓને તેમની જન્મજયંતિ પર તેમને યાદ કરવાથી રોકી રહી છે.

જેડીયુના રાષ્ટ્રીય પ્રવક્તા રાજીવ રંજને અખિલેશના નિવેદનને આશ્ચર્યજનક ગણાવ્યું અને તેમને સલાહ આપી કે લોકનાયકને માત્ર શ્રદ્ધાંજલિ આપવા સુધી મર્યાદિત ન રહેવું જાેઈએ. તેમણે કહ્યું, જયપ્રકાશ નારાયણે જીવનના મૂલ્યો માટે જીવનભર સંઘર્ષ કર્યો. તેમણે સંપૂર્ણ ક્રાંતિનો ખ્યાલ આપ્યો. પરિવારવાદ, વંશવાદ અને વ્યવસ્થા પરિવર્તન અંગે તેમણે જે કોલ આપ્યો હતો. જાે અખિલેશ યાદવે એ જીવનમૂલ્યોને થોડું પણ મહત્વ આપ્યું હોત તો સમાજવાદી પાર્ટી પર સંપૂર્ણ રીતે એક પરિવારનું વર્ચસ્વ ન હોત. રંજને અખિલેશ યાદવ પર જયપ્રકાશ નારાયણની જન્મજયંતિ પર સંકુચિત રાજનીતિ કરવાનો આરોપ લગાવ્યો અને કહ્યું કે જ્યાં સુધી શ્રદ્ધાંજલિ રોકવાની વાત છે તો તેમણે મધરાતને બદલે જન્મજયંતિનો દિવસ પસંદ કરવો જાેઈતો હતો. તેમણે કહ્યું કે જ્યારે પણ આવા મહાન લોકોની યાદમાં કોઈ દિવસનું આયોજન કરવામાં આવે છે ત્યારે જનતાને આવી સંકુચિત રાજનીતિ પસંદ નથી.