પાકિસ્તાન, અફઘાનિસ્તાનમાં ખાદ્ય પદાર્થોની ભારે અછત સર્જાશે ઃ સંયુક્ત રાષ્ટ્ર

સંયુક્ત રાષ્ટ્રએ પાકિસ્તાન અને અફઘાનિસ્તાનની સ્થિતિ પર ગંભીર ચિંતા વ્યક્ત કરી છે. યુએનએ કહ્યું છે કે આગામી મહિનાઓમાં પાકિસ્તાન, અફઘાનિસ્તાનમાં ખાદ્ય પદાર્થોની ભારે અછતનો સામનો કરવો પડી શકે છે. સંયુક્ત રાષ્ટ્ર અનુસાર, જાે બંને દેશોમાં સ્થિતિ વધુ ખરાબ થશે તો ભવિષ્ય વધુ ખરાબ થશે. લોકો રસ્તા પર ઉતરી શકે છે. સંયુક્ત રાષ્ટ્રની બે સંસ્થાઓ એટલે કે વર્લ્ડ ફૂડ પ્રોગ્રામ (ઉહ્લઁ) અને ફૂડ એન્ડ એગ્રીકલ્ચર ઓર્ગેનાઈઝેશન (હ્લર્છં)એ આ રિપોર્ટ આપ્યો છે. બંને સંસ્થાઓ અનુસાર, પાકિસ્તાન અને તેના પાડોશી દેશ અફઘાનિસ્તાનમાં આવશ્યક ખોરાકની ભારે અછત છે. હ્લર્છં એટલે કે ફૂડ એન્ડ એગ્રીકલ્ચર ઓર્ગેનાઈઝેશન અને ઉહ્લઁ એટલે કે વર્લ્ડ ફૂડ પ્રોગ્રામ દ્વારા સંયુક્ત રીતે પ્રકાશિત અહેવાલમાં પાકિસ્તાન અને અફઘાનિસ્તાનને લઈને પણ ચેતવણી જાહેર કરવામાં આવી છે. ઉહ્લઁએ પોતાના રિપોર્ટમાં કહ્યું છે કે પાકિસ્તાન, સેન્ટ્રલ આફ્રિકન રિપબ્લિક, ઇથોપિયા, કેન્યા, ડેમોક્રેટિક રિપબ્લિક ઓફ કોંગો અને સીરિયન આરબ રિપબ્લિક ખૂબ જ ચિંતાજનક હોટસ્પોટ બની ગયા છે. સંગઠને મ્યાનમારને પણ ચેતવણી આપી છે. હ્લર્છંના અહેવાલમાં જણાવવામાં આવ્યું છે કે આ તમામ હોટસ્પોટ્‌સમાં ખાદ્ય અસુરક્ષા વધી છે. આવનારા સમયમાં અહીંના લોકો અને અન્ય જીવોને જાેખમનો સામનો કરવો પડશે. પાકિસ્તાનમાં લાંબા સમયથી રાજકીય ઉથલપાથલ ચાલી રહી છે.

ઇન્ટરનેશનલ મોનેટરી ફંડ (ૈંસ્હ્લ)નું બેલઆઉટ પેકેજ છેલ્લા સાત મહિનાથી સતત લટકી રહ્યું છે. રિપોર્ટ અનુસાર પાકિસ્તાને આગામી ત્રણ વર્ષમાં ૭૭.૫ અબજ ડોલર ચૂકવવાના છે. યુએનના રિપોર્ટમાં કહેવામાં આવ્યું છે કે પાકિસ્તાનના ઉત્તર-પશ્ચિમમાં અસુરક્ષા વધી રહી છે. ઓક્ટોબર ૨૦૨૩માં યોજાનારી સામાન્ય ચૂંટણી પહેલા દેશની સ્થિતિ બગડી શકે છે. શાંતિમાં ખલેલ પડી શકે છે. વિદેશી અનામતની અછત અને ચલણના અવમૂલ્યનને કારણે સ્થિતિ વણસી રહી છે. આવશ્યક ખાદ્ય ચીજવસ્તુઓ અને ઊર્જા પુરવઠાની આયાત કરવાની ક્ષમતા ઘટી રહી છે. દેશભરમાં ભારે વીજ કાપ ચાલુ છે, જ્યારે ખાદ્ય પદાર્થોના ભાવમાં સતત વધારો થઈ રહ્યો છે.સંયુક્ત રાષ્ટ્રનું કહેવું છે કે હાલમાં અફઘાનિસ્તાનની ૭૦ ટકાથી વધુ વસ્તીને દિવસમાં બે વખત યોગ્ય ભોજન મળતું નથી. ઓગસ્ટ ૨૦૨૧માં તાલિબાન સત્તામાં આવ્યા બાદ અફઘાનિસ્તાન પણ ગરીબ બની ગયું છે. આંતરરાષ્ટ્રીય સમુદાયે તાલિબાન સરકારને માન્યતા આપી નથી. પાકિસ્તાનમાં અસ્થિરતાએ અર્થવ્યવસ્થાને વધુ ખરાબ કરી છે. માર્ચ-એપ્રિલમાં, પાકિસ્તાન સરકારે વધતી કિંમતો વચ્ચે લોકોને મફત અનાજ આપવા માટે દેશભરમાં વિતરણ કેન્દ્રોની સ્થાપના કરી. પરંતુ સ્થિતિ એટલી ખરાબ છે કે ઘણી જગ્યાએ નાસભાગ મચી ગઈ હતી. ઘણા લોકો માર્યા ગયા અને ઘાયલ થયા.