બોલિવૂડ સુપરસ્ટાર આમિર ખાનનો કોરોના રિપોર્ટ આવ્યો પોઝિટિવ

દેશભરમાં ફરીથી કોરોના વાયરસનો પ્રકોપ વધવાનું જાેખમ વધી ગયું છે. છેલ્લાં ઘણાં સમયથી બોલિવૂડના અનેક સ્ટારના કોરોના રિપોર્ટ પોઝિટિવ આવ્યા છે. ત્યારે હવે બોલિવૂડ સુપરસ્ટાર આમિર ખાનને પણ કોરોનાનો ચેપ લાગ્યો છે.

પોઝિટિવ આવ્યા બાદ આમિર ખાન હોમ કોરેન્ટાઈન થયા છે ને કોરોનાના તમામ નિયમોનું પાલન કરી રહ્યા છે.

આમિર ખાનના પ્રવક્તાએ કહ્યું, “આમિર ખાનનો કોરોના ટેસ્ટ પોઝિટિવ આવ્યો છે. તે હાલમાં પોતોના ઘરે જ હોમ કોરેન્ટાઈન છે અને તમામ નિયમોનું પાલન કરી રહ્યા છે અને તેની તબીયતમાં સુધારો થઈ રહ્યો છે. જે કોઈપણ વ્યક્તિ હાલમાં તેમના સંપર્કમાં આવ્યા હોય તેને સાવચેતીના ભાગ રીતે પોતાનો ટેસ્ટ કરાવી લેવો જાેઈએ. તમારા બધાની ચિંતાઓ અને શુભેચ્છાઓ માટે આભાર.”

વિતેલા વર્ષે આમિર ખાનની સાથે કામ કરનાર ૭ કર્મચારી પણ કોરોના પોઝિટિવ આવ્યા હતા જેમાં કેટલાક તેમના સુરક્ષાકર્મી, ડ્રાઈવર અને ઘરમાં કામ કરનાર નોકર પણ સામેલ હતા.

આમિર ખાને ૧૪ માર્ચના રોજ પોતાનો ૫૬મો જન્મદિવસ સેલિબ્રેટ કર્યો હતો અને તેના એક દિવસા બાદ જ તેમણે સોશિયલ મીડિયા છોડવાનો ર્નિણય કર્યો હતો. હાલમાં જ તેને ફિલ્મ ‘કોઈ જાને ના’ના ગીત હર ફન મૌલામાં જાેવા મળ્યા હતા. આ ગીતમાં તે અલી અવરામની સાથે ડાન્સ કરતાં જાેવા મળ્યા હતા. આ ઉપરતાં આમિર ખાન ફિલ્મ ‘લાલ સિંહ ચઢ્ઢા’માં જાેવા મળશે. આ ફિલ્મ ૨૫ ડિસેમ્બર ૨૦૨૧ના રોજ સિનેમાઘરોમાં રિલીઝ થશે. આ ફિલ્મ વિતેલા વર્ષે ક્રિસમસ પર જ રિલીઝ થવાની હતી પરંતુ કોરોના મહામારીને કારણે તારીખ આગળ વધારવામાં આવી હતી.