ભારતીય સિનિયર સિટિઝન ઓફ શિકાગો દ્રારા જગદીશ ત્રિવેદીનાં કાર્યક્રમ વડે અમદાવાદની ઉમંગ સ્કૂલને ૪૧ લાખનું દાન  

ભારતીય સિનિયર સિટિઝન ઓફ શિકાગો નામની સંસ્થા દ્રારા તા.૧૮/૦૮/૨૦૨૪ રવિવારે સાંજે રાણા-રેગન બેન્કવેટ હોલમાં જગદીશ ત્રિવેદીના કાર્યક્રમનું ભવ્ય આયોજન થયું હતું. આ સંસ્થાના પ્રમુખ હરીભાઈ પટેલ દ્વારા જણાવવામાં આવ્યુ હતું કે અમદાવાદ જીવરાજ પાર્કમાં આવેલી મુક-બધિર બાળકોની સંસ્થા ઉમંગ સ્કૂલનાં લાભાર્થે યોજેલા આ કાર્યક્રમમાં આશરે એક હજાર જેટલાં વડીલો ઉપસ્થિત રહ્યા હતા. જેમાં જગદીશ ત્રિવેદીની હદયસ્પર્શી વિનંતીથી માત્ર અડધા કલાકમાં પચાસ હજાર અમેરીકન ડોલર એટલે કે ભારતનાં ૪૧,૦૦,૦૦૦/- એકતાલીસ લાખ રુપિયાનું દાન એકત્ર થયું હતું જે અમદાવાદની ઉમંગ સ્કુલને મોકલી આપવામાં આવશે. શિકાગોની આ સંસ્થાના અન્ય કાર્યકર્તા શ્રી નવીનભાઈ ધોળકીયા અને મદારસંગ ચાવડાએ આ કાર્યક્રમને સફળ બનાવવા માટે ખૂબ જહેમત ઉઠાવી હતી. ઉમંગ મૂક-બધિર બાળકોની સંસ્થાનાં ચેરમેન પી.કે.લહેરી તેમજ ફાઉન્ડર ટ્રસ્ટી ડો. નંદલાલ માનસેતાએ જગદીશ ત્રિવેદી તેમજ ભારતીય સિનિયર સિટિઝન ઓફ શિકાગો સંસ્થાનો ખાસ આભાર માન્યો હતો.