મેકર્સ ફિલ્મ છાવાની રિલીઝ મોકૂફ રાખવાની તૈયારી કરી રહ્યા છે

અલ્લુ અર્જુનની પુષ્પા ૨ અને વિકી કૌશલની છાવા વચ્ચેની ટક્કર મોકૂફ રાખવામાં આવી શકે છે. બંને ફિલ્મો ડિસેમ્બરના પ્રથમ સપ્તાહમાં એક દિવસના ગેપ સાથે રિલીઝ થવા જઈ રહી છે. પરંતુ હવે છાવાના મેકર્સ તેમની ફિલ્મની રિલીઝ ડેટ મોકૂફ રાખવાનું વિચારી રહ્યા છે. એક રિપોર્ટમાં કહેવામાં આવ્યું છે કે હવે આ ફિલ્મ ૨૦૨૫ની શરૂઆતમાં રિલીઝ થઈ શકે છે. ‘પુષ્પા ૨’ ૫ ડિસેમ્બરે સિનેમાઘરોમાં રિલીઝ થવાની તૈયારીમાં છે. જ્યારે છાવાની શરૂઆતની રિલીઝ ડેટ ૬ ડિસેમ્બર હોવાનું જણાવવામાં આવ્યું હતું. ફિલ્મ એક દિવસના ગેપ સાથે સિનેમાઘરોમાં હિટ થવા જઈ રહી હોવા છતાં જાે કોઈ ક્લેશ થશે તો તેની અસર બંને ફિલ્મોને કોઈને કોઈ રીતે થશે. જાે કે, તે સ્પષ્ટ છે કે વિકી કૌશલના પ્રભાવને અથડામણનો ભોગ બનવું પડી શકે છે કારણ કે ‘પુષ્પા ૨’ આ વર્ષની સૌથી વધુ રાહ જાેવાતી ફિલ્મ છે અને તેનો પહેલો ભાગ પણ ઘણો પસંદ કરવામાં આવ્યો હતો.

બોક્સ ઓફિસ વર્લ્ડના રિપોર્ટમાં સૂત્રોને ટાંકીને કહેવામાં આવ્યું છે કે છાવાના મેકર્સ જાન્યુઆરી ૨૦૨૫માં રિલીઝ માટે સારી તારીખ શોધી રહ્યા છે. જાે બધું બરાબર રહેશે તો મેકર્સ ફિલ્મની રિલીઝ ડેટ બદલશે. જાે કે આ અંગે સત્તાવાર સમર્થન આવવાનું બાકી છે. છાવાના નિર્માતાઓ ઈચ્છે છે કે તેમની ફિલ્મ એવા સમયે રિલીઝ થાય જ્યારે કોઈ અન્ય સાથે સ્પર્ધા ન હોય. જાે આમ થશે તો તેની ફિલ્મ પર દર્શકોનું સંપૂર્ણ ધ્યાન જશે અને તેનાથી ફિલ્મના બિઝનેસને મદદ મળશે. છાવા થિયેટર રિલીઝ માટે લગભગ તૈયાર છે. છાવાનું નિર્દેશન લક્ષ્મણ ઉતેકરે કર્યું છે. આ ફિલ્મ શિવાજી સાવંતની મરાઠી નવલકથા પર આધારિત છે. જેમાં છત્રપતિ શિવાજીના પુત્ર છત્રપતિ સંભાજી મહારાજના સંઘર્ષ અને બહાદુરીની ગાથા બતાવવામાં આવી છે. ફિલ્મમાં વિકી કૌશલ સંભાજી મહારાજના રોલમાં છે. તેની સાથે ફિલ્મમાં રશ્મિકા મંદન્ના પણ છે, જે યેસુબાઈ (સંભાજી મહારાજની પત્ની)ના રોલમાં જાેવા મળશે. આ સિવાય ફિલ્મમાં દિવ્યા દત્તા અને અક્ષય ખન્ના પણ જાેવા મળશે.