‘મૈં અટલ હૂં’નું ટ્રેલર રીલીઝ, જાન્યુઆરી ૨૦૨૪માં સિનેમાઘરોમાં જાેવા મળશે

ત્રણ વખત ભારતના વડાપ્રધાન રહી ચૂકેલા શ્રી અટલ બિહારી વાજપેયી દેશના પ્રિય નેતાઓમાંના એક છે. તેમના જીવનની સફર કોઈ પ્રેરણાથી ઓછી ન હતી. હવે આ જીવન સફર વિશે પંકજ ત્રિપાઠીની ફિલ્મ મૈં અટલ હૂં મોટા પડદા પર આવી રહી છે, જેનું ટ્રેલર રિલીઝ થઈ ગયું છે. જ્યારે ચાહકો તેને માસ્ટરપીસ કહેતા જાેવા મળે છે. આટલું જ નહીં, ફરી એકવાર પંકજ ત્રિપાઠીના પરફોર્મન્સથી લોકોને વિશ્વાસ થઈ ગયો છે..

થોડા કલાકો પહેલા મૈં અટલ હૂંનું ટ્રેલર રિલીઝ થયું હતું, જેને શેર કરતા પંકજ ત્રિપાઠીએ ઈન્સ્ટાગ્રામ પર લખ્યું હતું કે, જે નેતા તમે જાણો છો, જેને તમે નથી ઓળખતા. અહીં શ્રી અટલ બિહારી વાજપેયીના અસાધારણ જીવનની એક ઝલક છે. ‘મૈં અટલ હૂં’નું ટ્રેલર હવે બહાર આવ્યું છે. ૧૯ જાન્યુઆરી, ૨૦૨૪ના રોજ સિનેમાઘરોમાં જુઓ.. આ ટ્રેલર જાેયા પછી એક યુઝરે લખ્યું, રવિ જાધવનું ડિરેક્શન સિનેમેટિક માસ્ટરપીસ છે. તેઓ કુશળતાપૂર્વક અટલ બિહારી વાજપેયીની વાર્તાને કૃપા અને પ્રમાણિકતા સાથે જીવંત કરે છે. અન્ય એક યુઝરે લખ્યું, આ કોઈ ફિલ્મ નથી પરંતુ અટલ જી માટેનું સાચું સન્માન છે. હું પંકજ જી અને તેમની સમગ્ર ટીમ, જય હિંદ, જય ભારતનો હૃદયપૂર્વક આભાર માનું છું.