વિકી કૌશલ થયો કોરોનાવાઈરસથી મુક્ત, ફોટો શેર કરી લખ્યું, ‘નેગેટિવ’

વિકી કૌશલ કોરોના સંક્રમણમાંથી સાજાે થઇ ગયો છે. આ ન્યૂઝ તેણે સો.મીડિયા પર એક સ્માઈલિંગ ફોટો સાથે શેર કર્યા. ફોટોના કેપ્શનમાં તેણે લખ્યું, નેગેટિવ. ૧૦ દિવસ પહેલાં વિકી કૌશલનો રિપોર્ટ પોઝિટિવ આવ્યો હતો. તેના ૨૪ કલાક પછી કેટરીના કૈફ પણ કોરોનાની ઝપેટમાં આવી ગઈ હતી. વિકી તો સ્વસ્થ થઈ ગયો છે પણ હજુ કેટનો રિપોર્ટ આવવાનો બાકી છે.

વિકીએ લખ્યું, આજે ટેસ્ટ રિપોર્ટ નેગેટિવ આવ્યો. તમારા બધાની શુભકામના અને મેસેજ માટે આભાર.
કેટરીનાએ સો.મીડિયામાં પોસ્ટ શૅર કરીને કહ્યું હતું, ‘મારો કોરોનાનો રિપોર્ટ પોઝિટિવ આવ્યો છે. હું ઘરમાં જ આઈસોલેટેડ છું. જરૂરી મેડિકલ સૂચનાઓનું પાલન કરી રહી છું. હું વિનંતી કરું છું કે મારા સંપર્કમાં આવનાર તમામ લોકો પોતાનો ટેસ્ટ કરાવે. તમારા પ્રેમ તથા સપોર્ટ માટે આભાર. મહેરબાની કરીને સાવચેત રહો, સંભાળ રાખો.’

વિકી કૌશલે સો.મીડિયામાં પોસ્ટ શૅર કરીને કોરોના પોઝિટિવ હોવાની વાત શૅર કરી હતી. તેણે સો.મીડિયામાં કહ્યું હતું, ‘તમામ સાવચેતી રાખ્યા હોવા છતાંય મારો કોરોનાનો રિપોર્ટ પોઝિટિવ આવ્યો છે. હું હાલમાં હોમ ક્વૉરન્ટીન છું. ડૉક્ટર્સે આપેલી તમામ સૂચનાઓનું પાલન કરી રહ્યો છું. મારા સંપર્કમાં આવનાર તામમ લોકોએ પોતાનો ટેસ્ટ કરાવી લો. સાવચેતી રાખો અને સલામત રહો.’?????
વિકી કૌશલ તથા કેટરીના કૈફ વચ્ચે છેલ્લાં ઘણાં સમયથી અફેર હોવાની ચર્ચા થઈ રહી છે. ગયા વર્ષે ઈશા અંબાણીની હોળી પાર્ટીમાં વિકી તથા કેટરીના સાથે જાેવા મળ્યા હતા. આ પહેલાં બચ્ચન પરિવારની પાર્ટીમાં પણ બંને સાથે હતા. આટલું જ નહીં બંનેએ માલદિવ્સમાં વેકેશન પણ મનાવ્યું હતું. જાેકે, હજી સુધી બંનેમાંથી કોઈએ પોતાના સંબંધો અંગે કંઈ જ કહ્યું નથી.
વિકી કૌશલ ચાર મહિના સુધી ફિલ્મ ‘ધ ઈમ્મોર્ટલ અશ્વત્થામા’ માટે સ્પેશિયલ ટ્રેનિંગ લેશે.