શહેરમાં આવેલાં ઓમ વૃધ્ધાશ્રમમાં સામેથી જઇ ચૂંટણી કાર્ડ સાથે આરોગ્ય મેડિકલ કેમ્પનું આયોજન

રાજ્ય સરકાર સાથે જિલ્લાના અધિકારીઓ પણ સંવેદનશીલ છે તેનું ઉદાહરણ આજે જોવાં મળ્યું. જેમાં ભાવનગરના પ્રાંત અધિકારીશ્રી હિતેષ ઝણકાટે ભાવનગર શહેરમાં આવેલાં “ઓમ સેવા ધામ”ની મુલાકાત લીધી હતી.

        આ સેવા ધામમાં રહેતા વૃદ્ધ તથા નિરાધાર વ્યક્તિઓ માટે ચૂંટણી કાર્ડ, આધાર કાર્ડ, તથા તેમના માટે મેડિકલ ચેકઅપ કેમ્પનું તા. ૦૭-૦૯-૨૦૨૨ ના રોજ આયોજન કર્યું છે.

        આમ, જે નિરાધાર છે તેમનો રાજ્ય સરકાર સાચાં અર્થમાં આધાર બની રહીને તેમને કોઇપણ જાતની તકલીફ ન પડે તે રીતે એક સ્વજનની જેમ તેમની પડખે ઉભી રહી છે. જિલ્લા તંત્રના અધિકારીઓ પણ આ કામગીરીને પોતાના સ્વજન હોય તે રીતે કરીને સમાજ સેવાનું એક આગવું ઉદાહરણ સમાજ સામે રજૂ કર્યું છે. સરકારી નોકરીમાં રહીને પણ સમાજ સેવા કરી શકાય છે તેનું આ આગવું ઉદાહરણ છે.

        આ મુલાકાત વખતે ઓમ સેવા ધામના ઓમભાઇ કંડોલીયા, સંસ્થાના કાર્યકરો ઉપસ્થિત રહ્યાં હતાં.