શ્રીમતી વી.ડી. ઘેલાણી મહિલા આર્ટ્સ કોલેજ સાવરકુંડલામાં મતદાન જાગૃતિ કાર્યક્રમ યોજાયો.

શ્રી નૂતન કેળવણી મંડળ સંચાલિત શ્રીમતી વી.ડી. ઘેલાણી મહિલા આર્ટ્સ કોલેજ, સાવરકુંડલામાં એન.એસ.એસ વિભાગ દ્વારા તા.૦૪/૦૪/૨૦૨૪ ને ગુરુવારના રોજ “યુવાન અને યુવતી કરે ગર્વથી મતદાન” અંતર્ગત કોલેજની પ્રથમ વર્ષ બી.એ.ની વિદ્યાર્થીની બહેનો કે જે પ્રથમવાર મતદાન કરવા જઈ રહી છે. તેઓને માર્ગદર્શન આપવા માટે બ્રાન્ચ શાળા નંબર-૯ના આચાર્ય પિયુષભાઈ જાની અને બ્રાન્ચ શાળા નંબર-૭ ના શિક્ષક શ્રી અનિલભાઈ વિંઝુડા ઉપસ્થિત રહ્યા હતાં અને મતદાન અંગે વ્યવસ્થિત માહિતી આપેલ હતી અને સર્વેએ મતદાન કરવા માટે પ્રતિજ્ઞા પણ લીધી હતી.કોલેજના વાઇસ પ્રિન્સિપાલ પ્રા. છાયાબેન શાહે મહેમાનોનું સ્વાગત કરી પરિચય આપેલ તથા કાર્યક્રમનું આયોજન અને સંચાલન પ્રોગ્રામ ઓફિસર ડો.હરિતા જોશીએ કરેલ હતું તથા આભાર દર્શન ડો.પ્રતિમા શુક્લે કર્યું હતું,જેમાં સમગ્ર સ્ટાફનો સહકાર સાંપડ્યો હતો.