૧૧ વર્ષીય સગીરા પર દુષ્કર્મ આચરનાર પાડોશી નરાધમ ઝડપાયો

શહેરના અડાજણ વિસ્તારમાં અંગ્રેજી મીડિયમમાં ધોરણ-૭માં અભ્યાસ કરતી સગીરાને પાડોશમાં રહેતા ૨૩ વર્ષીય યુવકે પરાણે દારૂ પીવડાવી હવસ સંતોષી હોવાની ઘટના સામે આવતા સમગ્ર વિસ્તારમાં ખળભળાટ મચી ગયો છે. સગીરાએ યુવકની હરકતો અંગે પરિવારને જાણ કરતાં પરિવારના સભ્યોના પગ નીચેથી જમીન સરકી ગઈ હતી. આ અંગે સગીરાની માતાએ અડાજણ પોલીસ સ્ટેશનમાં ફરિયાદ કરતાં ૨૩ વર્ષીય નરાધમને જેલ હવાલે કરી દીધો છે.

આ અંગે મળતી વિગતો પ્રમાણે, અડાજણમાં રહેતા વેપારીની ૧૧ વર્ષીય દીકરી ૧૫ દિવસ પહેલા પાડોશી યુવકના ઘરે કૂતરું રમાડવા માટે ગઈ હતી. એટલું જ નહીં, ૧૦ દિવસથી બંને સોશિયલ મીડિયા પર એકબીજાના કોન્ટેક્ટમાં હતા. ગત ૧૪મી મેના રોજ યુવક સીગરાને બાઇક પર ફરવા માટે ઓલપાડ બ્રિજ પાસે લઈ ગયો હતો.

આ પછી બીજા દિવસે ૧૫મીએ અડાજણમાં મિત્રના ભાડે રાખેલા ફ્લેટમાં સગીરાને લઈ ગયો હતો. અહીં યુવકે સગીરાને પરાણે વોડકા પીવડાવ્યો હતો અને આ પછી તેના પર બળાત્કાર ગુજાર્યો હતો. આરોપી મોબાઇલની દુકાનમાં સેલ્સમેન તરીકે કામ કરતો હતો. જાેકે, એક મહિનાથી બેકાર છે. તેના પિતા કપડાની દુકાનમાં નોકરી કરી છે.
આરોપીનો મિત્ર અડાજણમાં જ ચાર મિત્રો સાથે ભાડે રહે છે. આ મિત્રએ આરોપીને ફ્લેટની ચાવી આપી હતી. આ જ ફ્લેટમાં આરોપીએ ૧૫મી મેના રોજ સગીરા પર બળાત્કાર ગુજાર્યો હતો. તેમજ આરોપીનો મિત્ર જ વોડકાની બોટલ લાવ્યો હોવાનું પણ જાણવા મળ્યું છે. પોલીસ આરોપીના મિત્ર સામે પણ ગુનો નોંધી વધુ તપાસ કરશે.