સ્પર્ધાત્મક પરીક્ષાઓ દરમિયાન ઈન્ટરનેટ સેવાઓ બંધ કરવાના ઝારખંડ સરકારના ર્નિણયે રાજકીય સ્વરૂપ ધારણ કરી લીધું

સ્પર્ધાત્મક પરીક્ષાઓ દરમિયાન ઈન્ટરનેટ સેવાઓ બંધ કરવાના ઝારખંડ સરકારના ર્નિણયે હવે રાજકીય સ્વરૂપ ધારણ કરી લીધું છે. રાજ્યની વિપક્ષી પાર્ટી, ભારતીય જનતા પાર્ટીએ, સ્પર્ધાત્મક પરીક્ષાને ધ્યાનમાં રાખીને શનિવાર અને રવિવારે પાંચ કલાક માટે મોબાઈલ ઈન્ટરનેટ સેવાઓ સ્થગિત કરવાના રાજ્ય સરકારના ર્નિણયને તેની નિષ્ફળ સિસ્ટમ છુપાવવા માટેનો બીજાે આદેશ ગણાવ્યો છે. રાજ્ય સરકારની અધિકૃત સૂચના અનુસાર, ઝારખંડ જનરલ ગ્રેજ્યુએટ લેવલ કમ્બાઈન્ડ કોમ્પિટિટિવ એક્ઝામિનેશન (ત્નય્ય્ય્ન્ઝ્રઝ્રઈ) દરમિયાન કોઈ ખલેલ ન પડે તે માટે મોબાઈલ ઈન્ટરનેટ સેવાઓ શનિવારે સવારે ૮ થી બપોરે ૧.૩૦ વાગ્યા સુધી સ્થગિત રહેશે અને તે જ સમયગાળા દરમિયાન રવિવારે સેવાઓ સ્થગિત રહેશે.

મુખ્યમંત્રી હેમંત સોરેને શુક્રવારે કહ્યું હતું કે તેમણે પરીક્ષાની તૈયારીઓ અંગે વરિષ્ઠ અધિકારીઓ સાથે વાત કરી હતી અને કડક સૂચના આપી હતી કે કોઈપણ સંજાેગોમાં બેદરકારી સહન કરવામાં આવશે નહીં. સરકારના આ ર્નિણય પર ભાજપના પ્રવક્તા પ્રતુલ શાહદેવે કહ્યું કે, જ્યારે ઝારખંડ સરકાર પરીક્ષામાં ગેરરીતિઓને રોકવા માટે એક ફૂલપ્રૂફ સિસ્ટમ બનાવી શકી ન હતી, ત્યારે તેમણે સમગ્ર રાજ્યમાં ૩.૫ કરોડ લોકો માટે ઇન્ટરનેટ બંધ કરી દીધું હતું. તેમણે કહ્યું કે, સરકારની નિષ્ફળ સિસ્ટમને છુપાવવા માટે આ બીજાે મનસ્વી આદેશ છે. આ ર્નિણય દર્શાવે છે કે રાજ્ય સરકાર સદંતર નિષ્ફળ ગઈ છે. કેન્દ્રીય સંરક્ષણ રાજ્ય મંત્રી સંજય સેઠે પણ મોબાઈલ ઈન્ટરનેટ સેવાઓ સ્થગિત કરવાના ર્નિણયની ટીકા કરી અને કહ્યું કે તેનાથી લોકોને ઘણી અસુવિધા થશે. ભાજપના નેતાએ કહ્યું કે આ સૂચના ઝારખંડ સરકારની પરીક્ષામાં અન્યાયી પ્રથાઓને રોકવામાં નિષ્ફળતા દર્શાવે છે. તેમણે એવો પણ દાવો કર્યો હતો કે રાજ્યમાં મોબાઈલ ઈન્ટરનેટની સાથે બ્રોડબેન્ડ સેવાઓ પણ સ્થગિત કરી દેવામાં આવી છે.