કેનેડાના વડાપ્રધાન જસ્ટિન ટ્રૂડોએ પોતાના પદ પરથી રાજીનામું આપી દીધું

કેનેડાના વડાપ્રધાન જસ્ટિન ટ્રૂડોએ પોતાના પદ પરથી રાજીનામું આપી દીધું છે. તેમણે આ ર્નિણય તેમની સરકાર અને વ્યક્તિગત રીતે ટીકા વચ્ચે લીધો હતો. ટ્રૂડોએ રાષ્ટ્રને પોતાના સંબોધનમાં રાજીનામાની જાહેરાત કરી હતી. કેનેડાના વડાપ્રધાન જસ્ટિન ટ્રૂડોએ પોતાના કર્મનું પરિણામ ભોગવવું પડ્યું. તેમણે સોમવારે કેનેડાના વડાપ્રધાન પદ પરથી રાજીનામું આપી દીધું હતું. લિબરલ પાર્ટીમાં આંતરિક અસંતોષ અને લોકપ્રિયતામાં ઘટાડાને કારણે જસ્ટિન ટ્રૂડોને આ પગલું ભરવાની ફરજ પડી હતી. ૫૩ વર્ષીય નેતાએ ઓટાવામાં એક પ્રેસ કોન્ફરન્સમાં પત્રકારોને જણાવ્યું હતું કે, “નવા પક્ષના નેતાની પસંદગી થયા પછી હું પાર્ટીના નેતા અને વડા પ્રધાન તરીકે રાજીનામું આપવા માગું છું.” આનો અર્થ એ થયો કે નવા નેતાની પસંદગી ન થાય ત્યાં સુધી ટ્રૂડો કાર્યકારી વડા પ્રધાન તરીકે રહેશે. જસ્ટિન ટ્રૂડો ૨૦૧૫ થી કેનેડાના વડા પ્રધાન હતા. રિપોર્ટમાં કહેવામાં આવ્યું છે કે લિબરલ પાર્ટીની રાષ્ટ્રીય કાર્યકારિણી નેતૃત્વના મુદ્દાઓ પર ર્નિણય લેશે અને તેની બેઠક આ અઠવાડિયે યોજાવાની છે. લિબરલ પાર્ટીના એક સૂત્રએ કહ્યું કે આગામી નેતા નક્કી કરવામાં ઓછામાં ઓછા ત્રણ મહિનાનો સમય લાગશે, જાે કે પાર્ટીના બંધારણમાં ઓછામાં ઓછા ચાર મહિનાની જાેગવાઈ છે.