અમદાવાદના પ્રહલાદનગર ફાયર સ્ટેશનમાં ફરજ બજાવતા ડિવિઝનલ ફાયર ઓફિસરને લાંચ લેતા એસીબીએ રંગેહાથ ઝડપ્યા

અમદાવાદ મ્યુનિસિપલ કોર્પોરેશન હેઠળના પ્રહલાદનગર ફાયર સ્ટેશનમાં ફરજ બજાવતા ડિવિઝનલ ફાયર ઓફિસર ૬૫ હજારની લાંચ લેતા એન્ટિ કરપ્શન બ્યૂરો (એસીબી) દ્વારા રંગેહાથ ઝડપી લેવાયા. કન્સલ્ટીંગનું કામ કરતાં એક વ્યક્તિએ બિલ્ડિંગની ફાયર ર્દ્ગંઝ્ર માટે પ્રહલાદનગર ફાયર સ્ટેશનમાં જરૂરી દસ્તાવેજો રજૂ કર્યા હતા. જેમાં ફાયર ઓફિસરે ર્દ્ગંઝ્ર માટે લાંચની માંગણી કરી હતી. સમગ્ર મામલે ફરિયાદીએ એસીબીને જાણ કરી હતી. ત્યારબાદ એસીબીએ છટકું ગોઠવીને ફાયર ઓફિસરને રૂ. ૬૫૦૦૦ની લાંચ લેતા રંગેહાથે ઝડપી પાડ્‌યો હતો.
આ ઘટનામાં આણંદ એસીબી પોલીસ સ્ટેશનના પોલીસ ઇન્સ્પેકટર અને અમદાવાદના એસીબીના ઇન્ચાર્જ મદદનીશ નિયામક સહિતની ટીમ દ્વારા આરોપીને ઝડપી પાડવા માટે છટકું ગોઠવવામાં આવ્યું હતું. જેમાં એસીબીએ આજ શનિવારે, આરોપી ઈનાયતહુસેન શેખને ૬૫૦૦૦ રૂપિયાની લાંચ લેતા રંગે હાથે ઝડપી પાડ્‌યો હતો.

આ સમગ્ર ઘટનાની વાત કરી તો, અમદાવાદમાં ખાનગી એજન્સી ચાલવતો વ્યક્તિ સરકાર અને ખાનગી બિલ્ડિંગમાં ફાયર સેફ્‌ટીના સાધનો ઈન્સ્ટોલ કરવા અને ર્દ્ગંઝ્ર કાઢી આપવા કન્સલ્ટીંગનું કામ કરે છે. કન્સલ્ટીંગનું કામ કરતા શખ્સે પોલીસ ફરિયાદમાં જણાવ્યું હતું કે, ‘મે એક બિલ્ડિંગની ર્દ્ગંઝ્ર મેળવી આપવાનું કન્સલ્ટીંગનું કામ રાખ્યું હતું. જે બિલ્ડિંગની ફાયર ર્દ્ગંઝ્ર મેળવવા જરૂરી દસ્તાવેજો તૈયાર કરીને ફાઇલ પ્રહલાદનગર ફાયર વિભાગની કચેરી ખાતે મોકલી હતી.

જો કે, ત્રણ મહિના સુધી ર્દ્ગંઝ્ર ન મળતા હું કચેરીએ ગયો હતો. જ્યાં ઈનાયતહુસેન શેખ નામના ક્લાસ-૨ ડિવિઝનલ ફાયર ઓફિસરે સમગ્ર મામલે ૮૦૦૦૦ રૂપિયાની લાંચની માંગણી કરી હતી. પરંતુ મે નામ પાડી હતી. જોકે, આ પછી મને ફાયર ર્દ્ગંઝ્ર મળી ગઈ હતી.’ જ્યારે આ પછી ઈનાયતહુસેન શેખ ફરિયાદ પાસે જઈને ધમકી આપતા કહ્યું હતું કે, ‘જો ર્દ્ગંઝ્રના વ્યવહારના ૮૦૦૦૦ રૂપિયા નહીં આપે તો ભવિષ્યમાં ફાયર ર્દ્ગંઝ્રની ફાઈલો એપ્રુવ નહી થાય.’ જેમાં ફરિયાદી પાસેથી ૧૫૦૦૦ રૂપિયા લીધા હતા. જો કે, ત્યારબાદ ફાયર ઓફિસર ઈનાયતહુસેન અવર-નવર ફરિયાદ પાસેથી ૬૫૦૦૦ રૂપિયાની માંગણી કરતો હતો. સમગ્ર ઘટના મામલે ફરિયાદીએ એન્ટી કરપ્શન બ્યૂરોને આ મામલે જાણ કરી હતી.