સાવરકુંડલા-લીલીયા હવે બનશે ‘ફાટક મુક્ત’ વર્ષો જૂના સંકલ્પને સાકાર કરવાની ઐતિહાસિક શરૂઆત

વર્ષો સુધી રેલવે ફાટકો પર અટવાતી જિંદગીઓ, લાંબી વાહનોની કતારો, વિદ્યાર્થીઓનો
બગડતો સમય, વેપાર-ધંધાને પડતી અસર અને ઇમરજન્સી સમયે એમ્બ્યુલન્સને પણ રાહ
જોવી પડતી મુશ્કેલીઓ હવે ઇતિહાસ બનવા તરફ આગળ વધી રહી છે. સાવરકુંડલા-

લીલીયા વિધાનસભા વિસ્તારને ‘ફાટક મુક્ત’ બનાવવાના ધારાસભ્ય શ્રી મહેશભાઈ
કસવાલાના દૃઢ સંકલ્પને હવે કેન્દ્ર સરકારની મંજૂરીનું મજબૂત બળ મળ્યું છે.
કેન્દ્ર સરકાર દ્વારા રૂ. ૩૨.૫૪ કરોડના ખર્ચે ત્રણ મહત્વપૂર્ણ રેલવે અન્ડરબ્રિજોના નિર્માણને
મંજૂરી આપવામાં આવી છે અને તેની ટેન્ડર પ્રક્રિયા પણ શરૂ થઈ ગઈ છે. આ સાથે જ
વર્ષોથી પ્રજાને સતાવતી સમસ્યાના કાયમી નિરાકરણની દિશામાં ઐતિહાસિક શરૂઆત થઈ
છે.
આ યોજના અંતર્ગત લીલીયા શહેરના LC-41C (લીલીયા જાહેર હોસ્પિટલ નજીક), LC-
42B-1 (અમરેલી-ક્રાંકચ રોડ, નાના લીલીયા ફાટક) તથા સાવરકુંડલા શહેરના LC-61C
(સ્મશાન પાસેના રેલવે ફાટક) ખાતે આધુનિક અન્ડરબ્રિજનું નિર્માણ કરવામાં આવશે.
આ સફળતા પાછળ ધારાસભ્ય શ્રી મહેશભાઈ કસવાલાના સતત અને દૃઢ પ્રયાસો રહેલા
છે. તેમણે રેલવે વિભાગના ઉચ્ચ અધિકારીઓ અને ટેકનિકલ એન્જિનિયરો સાથે સ્થળ
મુલાકાતો કરી, ટ્રાફિકનો અભ્યાસ કરાવ્યો, વાહનોની દૈનિક અવરજવર, સ્થાનિકોની
મુશ્કેલીઓ અને ભવિષ્યની જરૂરિયાતોને ધ્યાનમાં રાખીને યોગ્ય ટેકનિકલ વિકલ્પો રજૂ કર્યા
હતા. આ સઘન અનુસંધાન બાદ કેન્દ્ર સરકારે અન્ડરબ્રિજોને મંજૂરી આપી ટેન્ડર પ્રક્રિયા શરૂ
કરી છે.
આ અન્ડરબ્રિજોના નિર્માણ બાદ દરરોજ હજારો વિદ્યાર્થીઓ, દર્દીઓ, ખેડૂતો, વેપારીઓ,
નોકરિયાતો અને સામાન્ય નાગરિકોને રેલવે ફાટકો બંધ રહેવાના કારણે થતી લાંબી
રાહમાંથી મુક્તિ મળશે. સૌથી મહત્વની વાત એ છે કે એમ્બ્યુલન્સ, ફાયર બ્રિગેડ અને અન્ય
ઇમરજન્સી સેવાઓ હવે કોઈ અવરોધ વિના ઝડપથી પસાર થઈ શકશે, જે અનેક કિંમતી
જિંદગીઓ બચાવવામાં પણ મદદરૂપ બનશે.
આ અંગે ધારાસભ્ય શ્રી મહેશભાઈ કસવાલાએ જણાવ્યું હતું કે,
“મારા માટે વિકાસનો અર્થ માત્ર રસ્તા કે મકાનો નથી, પરંતુ લોકોના સમયનું મૂલ્ય, તેમની
સુરક્ષા અને જીવનને સરળ બનાવવું છે. સાવરકુંડલા અને લીલીયાના રેલવે ફાટકો વર્ષોથી

પ્રજાની પીડાનું કારણ રહ્યા છે. કેન્દ્ર સરકાર અને ગુજરાત સરકારના સહયોગથી આજે
‘ફાટક મુક્ત સાવરકુંડલા-લીલીયા’ના સંકલ્પને સાકાર કરવાની ઐતિહાસિક શરૂઆત થઈ
છે. આ તો વિકાસયાત્રાનું પ્રથમ પગથિયું છે; હજુ અનેક લોકહિતના કાર્યોને સાકાર કરવા
માટે હું સતત પ્રયત્નશીલ રહીશ.”
આ મહત્વપૂર્ણ નિર્ણયને સમગ્ર સાવરકુંડલા-લીલીયા પંથકમાં આવકાર મળ્યો છે.
વેપારીઓ, વિદ્યાર્થીઓ, ખેડૂતો, સામાજિક સંસ્થાઓ અને સામાન્ય નાગરિકોએ વર્ષો જૂની
સમસ્યાના કાયમી નિરાકરણ તરફ આગળ વધેલા આ ઐતિહાસિક પગલાં બદલ ધારાસભ્ય
શ્રી મહેશભાઈ કસવાલાના પ્રયાસોની પ્રશંસા કરી છે.
“વર્ષોની પીડામાંથી રાહત… વિકાસ તરફ મજબૂત પગલું…”
આ માત્ર ત્રણ અન્ડરબ્રિજોની મંજૂરી નથી; પરંતુ તે પ્રજાના સમયનો સન્માન, સુરક્ષાનું
વચન અને સાવરકુંડલા-લીલીયાને વધુ સુવ્યવસ્થિત, ઝડપી અને આધુનિક બનાવવાના
નવા યુગની શરૂઆત છે. ‘ફાટક મુક્ત સાવરકુંડલા-લીલીયા’ હવે માત્ર કલ્પના નથી, પરંતુ
સાકાર થતું જનસંકલ્પ છે.ખર્ચે બનશે
આ સાવરકુંડલા- લીલીયા ને ફાટક મુકત મુકત કરવા દેશના યશસ્વી પ્રધાનમંત્રીશ્રી
નરેન્દ્રભાઈ મોદી સાહેબ,રેલ્વે મંત્રીશ્રી અશ્વિની વૈષ્ણવ,અમરેલી જીલ્લા સાંસદશ્રી ભરતભાઈ
સુતરીયાનો ધારાસભ્ય શ્રી મહેશભાઈ કસવાલાએ માન્યો હતો